روآيه الحب المستحيـل

](النايف ) / اووكيه اول حاجه انا بقول لك شي طيب ..
( بنوته كيوت ) اووكيه .. وش راح تقوول ؟؟
( النايف ) / اممم حبيت اكون معك صريح مثل ماكنتي معي صريحه .. بس بصراحه خاايف انك تزعلي مني او تاخذي موقف مني ..
( بنوتة كيوت ) / طيب .. وش راح تقوول ؟؟؟؟
>> ريناد ( وش فيه ؟؟ وش اللي بغى يقوله .. وش اللي راح يزعلني !!)
( النايف ) / وعــــــــــد ؟؟
( بنوته كيوت ) / ايووهـ وعد ..
<< راكان / اقوول لهااا ولاا ؟؟ بس لازم تعرف . اليوم ولا بكرااا ..
( النايف ) / اول حاجة انا اعرف من تكووني ومن بنته .. علشان كذا راح اسااعدك للنهااااااااااية ..
<<ريناد اول ماقرأته .. شهقت / لااااااا كيف يعرفني ؟؟ اهئ اهئ
( النايف ) / وييييييييييييينك !!
( بنوته كيوت ) / مـــعك .. بس ماقلت لي من وين تعرفني ؟؟؟ وش اللي يثبت انك تعرفني من جد !!!
( النايف ) / وانتي بعد تعرفيني !!
<< ريناد / !!!!
( بنوتة كيوت ) تراااك لعبت بأعصاابي والظاهر ماتبغى لا تساعدني ولا شي .. وانا الغلطانة ياللي اخذت ايميلك ..
<< راكان / ههههههههههه لحظة ..
( النايف ) / لاااااااا والله مو قصدي .. طيب اسمعي ...
( بنوته كيوت ) / وبعدين معك .. راح تحكي وش اللي عندك ولاااا ..
( النايف ) / طيب ..بصراااحه اممممم معك راكان .. اخو صاحبتك رنيم ..
<<< راكان / ياااويل قلبي .. نفسي اشوف ردة فعلك ..بهاللحظة
<<< ريناد / !!!!!!!!!! معقووله ؟؟ لااااااااااااااا ماني مصدقهـ راكان اخو رنيم !!! ايه جد هو الناايف يؤؤؤؤؤ منحرجه منه وش اقول له هاللحين ..!!
راكان حس انها تأخرت بالرد عطاها اشارة تنبيه ..
( النايف ) / وينك ؟؟ زعلانة مني !! اذا زعلانة انا آآآآآآآآسف والله مو قصدي اضاايقك وازعلك ..
ريناد مااهي مستوعبه ولا هي عارفه وش تكتب !!
( بنوته كيوت ) / جد .. انت راكان !!
( النايف ) / ايه .. اكيد .. ريناد سووري اذا ضايقتك او أي شي ..
( بنوته كيوت ) / لاااا ماني زعلانة ولاني متضايقه ..بس مستغربه شوويه ..
ريناد ( هاللحين انااا احكي مع راكان ؟؟ لااااا ماني مستوعبه شي )

::::::::::::::::::::

::::::::::::::::::::

وصل عماد البيت واول مافتحت ندى الباب واستقبلته ..
عماد ومعه باقه ورد جوري / مسااااااااء الجوري
ندى قلبها ينبض بقووهـ ومو مصدقه اللي جنبها هو عماد ..
ندى ببرود / اهليين مساء الورد ..
عماد قرب منها اكثر وباسها على خدها ولمهااا ../ وحشتييييييييييييني موووت ..
ندى وهي مرتبكه / واناا اكثر ..
بعد عنها عماد وعطاها الورد / خذي يااحلى جوري بالدنيـــــــــــــا ..
ندى حمرت خدودهاا اخذته منه وبأبتساامه / تسلم كلك ذووق ..
عماد / طيب راح اظل واقف جنب الباب ..
ندى انتبهت انهم جنب الباب .. / لاااا حيااك تفضل ..
مشوا سوى ودخلوا .. الصاله الداخليهـ ..
ندى واقفه وهي مرتبكه / عمااد عن اذنك شوويه ثواني ورااجعه ..
عماد بأبتسامه / اووكيه قلبي مو تتأخري ..
ندى بأبسامه صفرا / اووكيه ...
وراحت تركض صعدت فووق ودخلت غرفة ريناد ..
ريناد اول مادخلت ندى ارتبكت مرره ..
ندى / آآآآآآآهـ رنوود جااا وش اسووي محتارة احكي معه ولااا
ريناد بأرتباك / ليه .. محتاااره .. اذا الحيوانه مادقت ثانيه لا تحكي معه ..
ندى / خاايفه يكون كلامها صدق ..
ريناد قربت من ندى / يااقلبي ندى لاتخااافي روحي جنبه هاللحين ..وخلك ريلااكس ..
<<< راكان عطاهااا اشارة تنبيه بالماسنجر !!!!!
ندى انتبهت / من تحكي معه بالماسنجر ؟؟
ريناد / هااا .. بعدين احكي معك .. رووحي لعمااد لا تتأخري عليه ومثل ماوصيتك طيب ..
ندى / اووووكيه ..

:::::::::::::::

بعد ماطلعت ندى ..
ريناد توجهت للاب توب
( بنوته كيوت ) / سوووري راكان طولت عليك ..
( النايف ) / لااا خذي رااحتك ..
( بنوته كيوت ) / طيب .. انا راح احاول احكي معه .. ويارب يقدر موقفي ..
( النايف ) / ان شاء الله .. والله انك صعبانة علي .. وماتوقعت ابد تكوني مخطوبه .. واللي صدمني انك مخطوبه لناصر العالي بو وليد ..!!
( بنوته كيوت ) / ايوااا .. راكان حاسة اني مرتااحه ومبسوطه مرره .. وحاسه انك تقدر تساعدني ..
<< راكان يتنهد / وانا وش اللي يهمني غير رااحتك يااقلبي
( النايف ) / ياارب دوووم مرتااحه واذا تبي أي شي انا حااظر ..
( بنوته كيوت ) / تسلم والله ..


:::::::::::::::::::::

(دانه)
متوعده بعماد وندى والا تخرب عليهم حياتهم .. في قلبها حقد كبير عليهم وخاصة على عماد .. اللي كان روحها وقلبها وعقلهااا ...
تبغى تهدم حياته مثل ماهدم حياتهاااا بثواني ..
دانه اخذت جوالها .. وبدلت الشريحه وفتحت جوالها وبدت تحوس بالأرقام ..

:::::::::::::



{[ لا إله إلا الله وحدة لا شريك له له الملكـ وله الحمد وهو على كل شيء قدير ]}83 24-04-2008, 10:20 AM
ام العيون العسلية
؛°¨غرامي مجتهد¨°؛






--------------------------------------------------------------------------------



:::::::::::::

عماد وهو ماسك ايد ندى / ندووو
ندى ( ياحلاااتها من فمك وربي اشتقت لك ) وبأبتسامه جذابه / هلااا
عماد / حبي خلاااص قررت اعجل زواجنااا
ندى /؟؟ ( ليكون علشان هالموضوع !! وخاايف انه ينكشف !)
عماد / قلبي وييين رحتي !
ندى التفتت عليه بسرعه / اممم جد ؟
عماد بلهفه وهو يناظر عيونها / ايه بصراحه مو قادر اصبر اكثر من كذاا خلااااص ملكتي قلبي وعقلي وروحي ...و...
ندى عجبها اسلوبه / هههههههههه بس كفاية اخاف تنجن بعدهااا
عماد بنفس النظرة / وانااا للحين ماانجنييت .. انا خلااص انجنييت فيك ..
ندى حمرت خدودهااا من الحيااا وحاسه ان نظراته بتذبحهااا / سلااامتك من الجنوون يااقلبي ..
<< الا يدق جوال ندى !!! بنغمة كلاسيك هاااادئه ...
ندى بأبتسامه جذابهـ / لحظة شوويه ..
اخذته من جنبها وناظرته الا تنطفي ابتسامتهااا واحتارت ترد ولا لاا !!
عماد انتبه ان ندى مرتبكه وهي تناظر الجوال / وش فيك ؟؟ من اللي دااق ؟
ندى وهي مرتبكه / هااا لحظة ارد ...
ندى بصوت وااطي / الوو
<< دانه / هلاااااااااا والله .. اخيرا رديتي وسمعت هالصوت !!
ندى وهي مرتبكه / انتي وش تبيين مني ؟؟
دانه / هههههههههه عماد جنبك صح ؟؟
ندى استغربت / ايييش ؟
دانه بخبث / حكيتي معه ولااا لساااااااا ؟؟ انصحك تحاكيه هاللحين وهو بجنبك .. علشان لا يلف ولا يدور ..
ندى وهي معصبه / جد قليلة ادب ..وانتــ
عماد شافها معصبه وسحب الجوال من اذنها وعلى طول تكلم / الووو
دانه ضحكت بخبث / هههههههههههههههه
وسكرت ...
عماد فوق راسه الف علامة تعجب وتعجب ناظر الرقم ( داااااااااااااااانه )
ندى وهي تناظر عيونه وبخوف / عمااااااااد
عماد بسرعه وبعصبيه / وش تبي فيك ؟؟ ومن متى وانتي تحكي معهااا ؟؟
ندى حابسه دموعها لا تطيح / انت تعرفهاااا ؟؟
عماد بعد مابلع ريقه / جاااااوبيني ...
ندى خاايفه ان الكلام اللي سمعته كله جد .. ومو خايفه الا تأكدت خلاااااااااص ..

::::::::::::::::::::::::::

ريناد بعد ماطلعت من النت انسدحت على سريرها .. وتغطت بالغطا الوردي ..النااعم ..وقبل لا تستسلم للنوم جات بمخيلتها صورة راكان
وهو يناظرها يوم هم بالبحر ..
( آآآآآآهـ .ياليت راكان يكون صاادق بحكيه معي .. ويكون جااد ويقدر يساعدني .. وافتك من بو وليد .. لكن بابا !! ؟؟
آآآآآآآهـ يابابا ليه كذاا ليه تجبرني على حاجة انا ماابغاااهااا ليه ؟؟
التفتت الجهة الثانية ناظرت بصورة امها اللي على الكومدينه ومدت يدها بسرعه واخذتهااا ومسكتها بأيديها الثنتين .. وهي تناظرهااا
( ماااااااامااااا بلييييز ردي علي ... انا يالي عملته صح ولا خطأ .. صح
لما احكي مع راكان كل شي ؟؟ ولا خطأ ؟ صح لما ارضى واخضع لبابا ولبو وليد ؟؟ ولا خطأ ؟؟ ماما انا مجبوره .. ومحتارة وش اسوي ..
<<<< نزلت دموعها بحرارة .. ودخلت بنوبة بكااا اليم ومرير ..
ماما اشتقت لك.. اشتقت لصوتك .. اشتقت لأبتسامتك .. اشتقت لأحظاانك .. بلييييز ماما خذيني معك ماعدت اطيق اعيش من دونك .. حياتي مالها معنى من دوونك .. ماما .. اسمعيني . جاوبيني علميني الصح من الخطأ .. ماما ردي علي بليييز .. وربي قلبي مووجوع مقهوور ومكسور ومحد حاس فيني .. كل ليلة ابكي من حرقة قلب .. وكل يوم اشوف بنظرات الكل الشفقه والعطف .. ماما ترضيها علي .. ماما انا مريضه مثلك .. ابموت وارتااح .. علشان اجي لعندك وانام بحظنك .. )
غمضت عيونها مستسلمه للنوم وهي لامه صورة امها بحظنها

:::::::::::::::

وبالصالة الداخليه ..
عماد بهدوء / فهمتي هاللحين ؟؟
ندى بعصبيه / شنو اللي افهمه .. عمااد انت كذاب وخااين وما
عماد مسكها بذراعها بقووه / انااا مو خااين تسمعي مو خاااين ..
ندى بنفس النبره وهي تتنفس بقووه / وش اللي تسميه هذاا ؟؟ هااا انا سمعت كل شي بأذني وانت اعترفت لي بنفسك ..
عماد وهو ماسكها بقووه / يالغبيه .. هذا كان مااااااااضي تعرفي كيف ؟؟ مااضي وانتهى .. خلاااص انا هاللحين ماعاد يهمني الا انتي وبس ..
ندى بسرعه وبصوت عالي / كذااااااااااااب
عماد ترك ذراعها ببرود / ندى حابة تصدقيني كان بهااا مو حابه مشكلتك .. بس اسمعيني كويس هالدانه ماتبغا الا تخرب بيني وبينك وانتي بهالصراخ والعناد راح تخليها تنتصر وتحقق اللي تبغااه ..انا عارفها كوييس .. ومستحيل انسى وش اللي تبغاه ..
ندى بأسلوب تمسخر / ماشاء الله عليك ومانسيتها وهذا انت تاركهااا على ماتقوول وماتحاكي معهااا صار لك اكثر من 6 شهور ..
عماد وصلت معه وعصب / ايه مانسيت اسمها لأنها احقر وحدها عرفتها ... تعرفي هي مين بالضبط ؟؟
ندى وهي تهز رجولها بتوتر وبعصبيه / مييين ؟؟؟
عماد /.. دانه تصير بنت خالة اختك .. ريناد
دانه عدلت جلستها وفتحت عيونها للآخر / دااااااااانه ..؟ بنت خالة ريناد
انت متأكد ؟؟
عماد / وانتي بذكائك بتخربي اللي بيننا علشان تخليها تنتصر وتنفذ كل خططها ..
ندى دمعتها نزلت من جديد لكن بألم وقهر من قلب / اكرهك .. اكرهك ..
عماد جات له هالكلمه مثل السم .. مثل الخنجر بصدره .. ماتحمل يسمع اهانات منها اكثر .. طلع من عندها وهو معصب ..
وندى ماتعرف الا تقول ../ اكرهك .. انت كذاااب .. مااحبك ..

واول ماطلع ندى صعدت فوق بسرعه ..
واول ماصعدت دخلت غرفة ريناد ...
تقدمت وهي تمشي الا ان وصلت لعند ريناد ... لعند السرير بالظبط
ندى شالت الغطا من على ريناد بعصبيه ..
ريناد ارتاعت وهي ماتحب هالحركه اساسا وبصوت مبحوح ومبين فيه النوم / وعماااا ندووش وش تبيين ؟؟
ندى وهي تناظر ريناد وبعصبيه / احكي مع بنت خالتك تبعد عني وعن عماد ترى والله ماراح يكون موتها الا على ايدي هذي ..<< وهي ماده يدها بقهر
ريناد خافت من لهجتها المعصبه واتكت عالمخده / ندى وش تقولي ؟؟ ماني مستووعبه اهدي بلييييز ..
ندى وهي مقهورة مسكت بيجامه ريناد من فوق عند رقبتها / دانووه بنت خالتك هي اللي كانت تحاكيني وهي ياللي كانت مع عماد ..
ريناد شهقت / ندى من جدك .. ؟؟
ندى شالت يدهااا من بيجامتها وبعصبيه / ابعديها عني تفهمي ولا لااا
ريناد قلبها ينبض بقووه خاايفه مرره من عصبية ندى اول مرة تشوفها بهالشكل .. ولاااا تعصب عليها هي ..
ريناد وهي تتنفس بسرعه / اووكيه .. ندى اهدي طيب ..
ندى بعصبيه / مالك دخل فيني .... احكي معها تبعد عني فااهمه ..
وبسرعه مشت وطلعت من غرفة ريناد وتوجهت لغرفتهااا ودخلت بنوبة بكااااااااء ..

ريناد اول ماطلعت ندى دمعوا عيونها على خدودها الوردية النااعمة ..
( ليه كل هذااااااا ؟؟ ليه كل هذا يصير لي انا بالذاات .. يارب ليه احس اني مالي حد بهالدنيااا ابد )

::::::::::::::::::::::::

::::::::::::::::::::::::

الصباح الساعة 8 ونص ..

راكان صحااا وهو مبسووط للآخر يحق له ريناد فتحت قلبهااا له وش يبغا اكثر من كذااا ..

نزل تحت وهو مرووق .. لقاهم جالسين عالطاولة يفطروا
راكان بأبتسامه عريضه / صبااااااااااح الخير
ام هشام ورنيم وشوق / صبااااااااح النور
شوق / وش عنده ركوون مرووووق
راكان التفت على شوق / ركووون بوجهك .. اولا .. ثانيا ليه تنقهري لما تشوفيني مرووق ؟؟
شووق / اناااااااااا ؟؟
راكان / هههههههه ايه
رنيم / مااعليك من شوااقه تعاال افطر معنااا يلااا
راكان دنى الكرسي وجلس .. / رنيم عطيني العصير من جنبك
ام هشام التفتت على راكان / هااا احكي لنا وش فيك من رووق من الصبااح ؟؟
راكان توهق / هاااااا .. حتى انتي يمه بتحسديني ؟؟
ام هشام / انااا ابد ..بس علشان نرووق حنا بعد
راكان / ههههههههههههه اموووت على لقاافتك يمه
رنيم وشوق / هههههههههههه
ام هشام ينقال عنها اخذت بخاطرها / انا هاللحين الملقووفه .. ماعليه ياراكان ..<< وصدت على جنب
راكان / يمه زعلتي .. مااقصد والله ..
رنيم / ماااما خلي عندك رووح ريااضيه
شوق / وتقبلي الوضع بكل رحاابه صدر
راكان / ياحنوون رد علينااا ماتسوى كلمه
ام هشام ابتسمت من قلب / مشكلتي مااقدر ازعل عليك ..
شوق تصاافر ورنيم تصفق
راكان / يااقلبي والله << التفت على رنيم وشوق / شهيـــــــــه انتم وين حنااا فيه
شوق / بالبيت ههههههه
رنيم / لا بغرفة الطعام هههههه
راكان / لااااااااااا الظاهر مو بس انا المروق الكل ماشاء الله
الكل / ههههههههههههههههههه



:::::::::::::::::

ندى بغرفتها ناايمه .. بعد ماعرفت حقيقة زوجها اللي تظنها للهالحين له علاقه مع دانه .. نامت بألم وقهر ..
فتحت عيونها بتثاقل ...والتفتت للجهة الثانية
( آآآآفففف الله يااخذك ياعماد وياخذ داااانوه معك .. حساافه الثقة اللي عطيتك ايااهااا .. والقلب اللي سكنته وتربعت في عرشه .. )
حست بصداااع قووي .. ( آآآآآآآهـ يااراااسي ... )
نزلت من السرير ..ودخلت الحمام اخذت شاور عالسريع وبدلت وقبل لا تنزل تحت راحت غرفة ريناد .. كعااادتهاااا
وقبل لا تفتح الغرفه تذكرت اللي صاربينهم البارح ..
ندى ( يااويلي ليه انا صارخت على رنوود كذااا )
وفتحت الباب بسرعه ..
ندى / ريناااااااا وينهااا ؟؟ رنوود انتي بالحمام ...
فتحت الحمام مالقت حد .. وطلعت برى الغرفة ..ونزلت تحت ..

لقت امهاا بالمطبخ .. تشرف على الفطور ..
ندى من دون نفس / صباح الخير ماما
ام عبدالله بأبتسامه / صباااح النور والسرور الورود ..
ندى / اووه ليه كل هذااا
ام عبدالله / علشان بنتي وحبيبتي ندووو
ندى / ماما ويين ريناد ؟؟ مانزلت فطرت ؟
ام عبدالله / لااااا تلاقينها تتروش ..
ندى / لااامو بالحمام .. انا قبل لا انزل مريتها مالقيتهااا
ام عبدالله / جد ؟؟ وينهااا .. روحي شفيها يمه يمكن بالحديقه ..
ندى / اووكيه
وطلعت الحديقة تدور عليهااا ..
ندى ( هذي ويين رااحت ؟؟ معقوله تطلع برى البيت وماتخبر حد ؟؟ )
دخلت داخل ودقت عليها بسررعه لقت جهازها مقفل ..
ندى بخوف / هذي ويين راحت ؟؟
ام عبدالله / هااا وينهااا ؟؟
ندى / جهازها مقفل والظاهر طالعه لأن السيارة مهوب فيه
ام عبدالله / طيب ندى دقي على كومار وأسأليه ..
ندى بسرعه اخذت الجوال ..ودقت على السواق ..
ندى بسرعه / كومار .. مس ريناد طلعت بالسياره ؟ طيب وين هي رووح ؟ ايوااا مافي بيت يعرف .. طيب هي وينها ؟ اووكيه اول مايرجع مس ريناد خليها يسوي الو طيب ..
ام عبدالله بخوف / هااا وين راحت بهالصبااح ؟؟
ندى وهي ماسكه الجوال وسرحانه / مااااادري

::::::::::::::::::::::::::::

ترررن .. ترررن .. ترررررررن

ام حسام فتحت الباب بهدوء ../ ريناااااااااااد
ريناد وهي معصبه دخلت دااخل بسررعه ..
ريناد / خالتي وين دانوووه ؟
ام حسام وهي مستغربه / داانه ؟؟ وش فيهااا وش تبين منهااا ؟ طيب ليه معصبه اجلسي ..
ريناد تصاارخ بقهر/ داانووه .. داانه انزلي ..
الا تنزل دانه من الدرج ..
دانه / وش هالصرااخ خير ان شاء الله << شهقت / ريناد ؟
حسام صحا من النوم ..عالصراخ وطلع بسرعه من غرفته ..
حسام اول ماشاف ريناد بوسط الصاله واقفه / ريناااااااااااد ؟؟
ريناد التفتت عليه بسرعه .. وبسرعه مشت وقربت من دانه عند الدرج ..
دانه بكبرياء / خير وش تبين ؟؟
ريناد معصبه ونفس الشي خايفه من حسام اللي تركته وراها .. / ابعدي عن اختي ندى .. ويااويلك من حكيتي معها ثاانيه ..
حسام وام حسام يناظرون وهما مستغربين / ؟؟؟؟؟؟؟؟ !!!!!!!!!!!!
دانه بأستهتار / يااويلي .. وش اللي تقدري تسويه .. ينقال عنك تهددي ..
وبجديه / اعرفي من تحااكين .. ومن اللي قدامك ...
ريناد وصلت حدهااا / دانووه .. ابعدي عنهااا اتركييهااا بلحالها .. انتي مالك دخل فيهااا ليه تبغي تخربي عليهااا ليه منقهره منهااا ..
حسام هنااا تدخل وقرب من عندهم / وش صااير وش السالفه ماتفهمووني ؟؟
دانه تكمل حكي وبعصبيه / رينادوه اطلعي احسن لك لاتخليني افتر عليك مره ثانيه ..
ام حسام قربت من عندهم / وش فيكم !!! اهدي انتي معهااا
ريناد بعصبيه اكثر وبان حتى من صوتها اللي انبح من القهر / ماتقدري يالقذرهـ ..
دانه بهاالكلمه حست انها جد قذره لأنها فرطت بأغلى شي عند هاااا
الا تمد يدهاااا وبقووهـ على خد ريناد .. كف على خدهااا النااعم من دانه ..
ريناد تألمت من الكف اللي ماتدري من وين جااهاااا وحطت يدها على خدها بسرعه ..وهي تحاول قد مافيها تحبس دموعها لاااتنزل ..
حسام بعصبيه قرب من اخته ودفعها ورااا / وكسر ان شالله .. انتي تمدي يدك عليهاا ..
ام حسام / استحي على وجهك وهذا هي ببيتك .. وتضربيها قدامناااا و .. و..
ريناد شالت يدها من خدها اللي صاار احمرر من الكف اللي اخذته وبصوت مبحوح مقهور / تبين اعلم اخوك وش صار لك ؟؟ ولا تبين اعلمه عن سواد وجههك ولااعن الشـ
فجأة دانه تقرب من ريناد واول مرة حد يشوفها كذاا مرتبكه
وتحط يدها على فم ريناد / اسكتي .. قلت لك اسكتي ..انتــ
ريناد تحاول تبعدها عنها مو قاادره ../ امممم امــــ
حسام مد يده وسحب ريناد من ذراعها بقووه وخلصها من دانه
ريناد وهي تتنفس بقووه وبسررعه ... حست نفسها بقرب حسام ..
اقشعر جسمهااا بسرعه وتقرفت منه وبعدت / اكرهك .. اكرهكم
وطلعت من بيتهم بسرعه
لحقها حسام / ريناد .. ريناد .. اصبري .. وش فيكم علميني ؟؟؟
ريناد حطت يدها على اذنها ماهي متقبله منهم أي شي .. وهي تمشي / اكرهك .. اكرهكم كلكم ..
الا ان وصلت السياره ..
فتح السواق الباب وركبت بسرعه ..
كومار ركب قدام وسكر الباب ..
ريناد بصوت مبحوح / حرررك بسررعه وش تنتظر

حسام اول مامشت سيارتهاا دخل اللبيت يركض ..
ام حسام وهي ماسكه يد دانه بقووه / انطقي .. وش اللي بينك بينهاا ؟؟ انتي وش سويتي ؟؟؟
حسام دخل بعصبيه وقرب من دانه مسكها من شعرها / شاللي بينك وبينهااا .. احكي ؟؟
دانه / ابعدوا عني ... روحوا اسئلوها انا وش دخلني ....
حسام بعصبيه / شنو وش دخلك .. طيب وش كانت تقصد لما قالت تبين اعلم اخوك سواد وجهك ؟؟
دانه بلعت ريقهاا وبنفس الأسلوب / ماادري .. مادري عنهااا ..
حسام وهو يضرب في اخته وحاس ان كلام ريناد في شي يمس السمعه والشرف .. / يالحيواانه .. من سمعت عنك شي والله لأذبحك بيدي ..
ام حسام / خلاااص .. اسكت انت معهااا ...جننتوني .. حسبي الله عليكم ..
دانه بعد مااكلت ضرب بجسمها طلعت من الصاله وهي تركض وحبست نفسها بغرفتها ..


:::::::::::::::::::::

ريناد مو مستوعبه كل الي صااار .. وهي بالسياره منشغله بالكلينكس وتمسح دموعهااا ...
كومار / مس ريناد هزا مس ندى يبغاك زروري ..يقول كلم هوا جوال الحين
( ريناد .. ندى تبغاك ضروري كلميها جوال هاللحين )
ريناد سمعت وش قااال .. ( ندى ... آآآآآآهـ ياندى .. ياليت تقدري اللي صاار.. مو جاية لي البارح مصحيتني من نومي .. وتصارخي علي )

الا توقف السيارة .. وصلوا البيت .. فتح لها الباب ..
ريناد نزلت ببطئ .. ودخلت دااخل ..
واول مافتحت باب البيت الداخلي ..
ندى نطت من مكانها بسرعه وتوجهت للباب .. / ريناااد وينك وين رحتي ؟
ريناد وهي منزلة راسها / اللي تبغيه صاار .. دانه ماراح تقرب منك ولا من ع ـــ عماد ..
ندى وهي تناظرها شهقت ورفعت راسها بيدها بسرعه / ريناد وش فيك .. من اللي عامل فيك كذااا ..
الا تقرب ام عبدالله / ريناد وش فيك ؟؟ شالأحمر اللي بوجهك ؟؟
ريناد رفعت راسها ونزلوا دموعها بسررعه على خدودها وهي تتشاهق بالبكي / اهئ اهئ اهئ اهئ
ام عبدالله وندى خافوا عليهااا اكثر .. كل وحده منهم تفكر بشي ..
ام عبدالله قربت من ريناد ولمتها بحظنهااا بقووه / ريناد احكي من اللي عمل معك كذاا .. انتي وين رايحه ؟؟
ندى وهي حاسة بالذنب / ماما ندى رايحه بيت خالتهاا ام حسام
ام عبدالله شهقت ومسكت ريناد بزنودها / ليه رايحه ؟؟ وش تسووين ؟؟ ومن اللي سوى فيك كذاا ؟؟ هاا تكلمي ..
ندى مسكتها وسحبتها لداخل وجلستهااا
ندى تنادي / تينااا .. تينااا عطيني مويه بااارده بسرررررعه
ندى جلست جنب ريناد بالضبط / ريناد انا آسفه .. والله ماكنت اقصد اللي حكيته معك البارح ...بس والله اعصابي تلفاانه .. ومالقيت قدامي غــ
ريناد قاطعتها بصوت مبحوح ودموعها بوسط عينها / يرضيك كذااا << حطت يدها بمكان الكف / دانه ضربتني ..ياندى ... وكــ
ندى ماتحملت تشوف اختها بهالحاله لمتها بقووه وبحنان / رنوود خلااص
قلت لك آآآآآسفه ..ور.....
قاطعتها ام عبدالله اللي جلست جنبهم / وش فيكم ؟؟ وش اللي صااير ؟؟ ندى تكلمي .. لا تخليني مثل الأطرش بالزفه ...
ندى تناظر امها وهي مرتبكه / لااا ماما .. بس انــ
ريناد بعدت عن احضان ندى .. وناظرت خالتهااا / انا متمشكله مع دانه بنت خالتي .. و...
ام عبدالله / انتي مجنونه تروحي لهم لوحدك ؟؟ شوفي وش صار .. من اللي مد يده عليك ؟؟
ريناد بألم وبعيون مذبلها الحزن / دااانووه .. النذله
<<< وحطت يدها على خدهاا / يألمني مرره ..يااخالتي ..
ام عبدالله مسحت على خدها بحنان ونعومه / ياابعد قلبي
ندى ماتحملت الموقف مشت من عنهم بسرعه وبكت من قلب ..
تينا جاية ومعها المويه ..
ام عبدالله اخذت الكاس ومدته لريناد .. / اشربي بردي على قلبك .. وهذي النذله اوريك فيهااا ..
ريناد وهي تمسح دموعها بالكلينكس قربت الكاس من فمها وشربت وحست انها مهما شربت ماراح يطفي النار اللي بقلبهااا ..
حطت راسها على كتف خالتهااا وغمضت عيونها العسليه ..
ندى وهي واقفه عند المدخل .. ودموعها بخدهاا ( آآهـ كل هذااا مني يااارينااد .. كل هذا علشااني ؟؟ الله يااخذك ياادانه الفقر .. وربي راح ارد الكف ياللي عطتيه لريناد بكف بس اللي اتمناه كف من نوع ثااني )
دخلت ندى المطبخ واخذت ثلج ...
ام عبدالله لساا تستجوبها / وليه وش هالمشكله ياللي تخليها تمد يدها عليك وين خالتك عنك ؟؟
ريناد وهي بنفس الوضعيه / هي مضايقتني بمكالمتها رحت اوقفها عن حدها وهذا كل اللي صاار ..
ام عبدالله / انا اورييك فيها لأقول لأخوك عبدالله يتفاهم معهااا الحيوانه ..
ريناد شهقت / لاااا خالتي .. خلااص انا ماعاد ابغا منهم شي .. خلوهم بحالهم علشان يتركوني بلحالي بعد ..
ام عبدالله بنبرة تهديد / بس والله ياريناد من طلعتي مرة ثانية ورحتي لعندهم بدون ماتخبريني يااويلك .. شووفي وش صار منهم هذولا مايتأمن فيهم ..
ريناد / اكرههم .. مااحبهم كلهم ..
ام عبدالله ( انا مااقول هالكلام علشان اكرهك في اهلك ... بس مايهون علي اشوف البنت اللي انظلمت مني ومن ابوها تحتاج لكلمة حنية ومااعطيهااا .. تحتاج للحب وابخل عليهااا .. )
الا تدخل ندى ومعها الثلج ..
ندى قربت من ريناد وحطت كيس ثلج صغير على خدهااا ..
ريناد / آآآهـ ..
ندى بهدوء / يلاااا الثلج راح يخفف الألم والأحمرار اللي على خدك ..

::::::::::::::::::::::::::::

عماد بغرفته منسدح ومتأفف مرره من اللي صااار بينه وبين ندى ..
اخذ جواله بسرعه ودق على دانه من دون تفكير ..
دانه من صعدت فوق وهي تفكر وش تقدر ريناد تسويه ؟ ومتخوفه حسام يدري عن سواد وجهها وبلاويها الشينه ..
الا يدق جوالهااا التفتت بسرعه وناظرت الرقم ...
دانه ( هذاا عمااد !! وش يبغااا هو الثاني ؟؟ !! )
ردت عليه بصوت باين عليه الخوف / الو وو
عماد / اسمعي .. لا انتي ولا عشرة من امثالك يقدروا يفقرقوا بيني وبين ندى .. انصحك نصيحه لوجه الله انك تبعدي عنها وتتركيها لوحدهااا لا والله اجي لعندك البيت واقابل اخوك واعطيه كل اللي عندي صورك ..وارسل له كل اللي عندي بالجوال وكل شي ..
دانه وهي تسمع كل كلمه وكل حرف / يالنذل .. تبغاني اسكت وش اللي يضمن انك ماراح تفضحني ؟؟
عماد / لاااا ثقي وتأكدي .. انا ماراح اسوي هالشي دامك بعيده عني وعن ندى .. بس لما تحاولي تخربي بينااا اعرفي مصيرك ايش راح يكون ..
دانه بنبرة رجااا / جد ؟؟ ماراح تفضحني ؟؟ بليييز رد علي ..
عماد بثقه / ايه جد .. واحلف لك اذا تبين .. بس اهم شي انتي ياللي تعطين نفسك وعد انك ماتقربي من ندى .. وماتحاولي تخربي علااقتنااا
عماد سكر الجوال قبل لا يسمع منها ولا كلمه .. ولا حرف ..

::::::::::::::::::::::::::

الساعة 2 وربع الظهر

عبدالله وخلود بعد ماتغدوا جلسوا عند التلفزيون
عبدالله / ياااحلاااة خلوود اليوم مصلحه كل شي بنفسهااا
خلود بأبتسامه حلوه / أي يااحلااتني .. وياحلاتك انت بعد ..
عبدالله / اناااا ليه ؟؟
خلود بنفس الأبتسامه / ايووهـ .. لأنك سفرت العله اللي عندي ..الله يااخذها
عبدالله / ههههههههههههههههههه
خلود بجديه / والله مبسووطه حدي اليومـ ..
عبدالله يتمسخر / خلاااص اسبوع الجاي راح اجيب لك خدامه غيرها تساعدك ..
خلود شهقت / لاااااااااااااا علشان تساعدني وتلف عليك ..
عبدالله / هههههههههههههههه
خلود / أي اضحك انت وش عليك ..

:::::::::::::::::::::::::::::

( ريهام )

بغرفتها وطفشاانه مرره .. اخذت الجوال بسرعه ودقت على ريناد ..

:::::::::

ريناد جالسة بطرف السرير وندى جنبها ..
ندى / شنووو ياريناد اسامحه والله اللي سمعته كرهني فيه ..
ريناد / جد ؟؟ يعني ماراح تحكي معه ؟؟
ندى / اممم والله ماادري محتااره اسامحه ولا لاااا
ريناد بعتب / هاللحين متعبتني ورايحه لدانووه آخر شي تقولي محتارة .. بصراحة ماعندك سالفه ..
ندى / لاااا مو قصدي .. بسـ
الا يدق جوال ريناد
ريناد اخذت الجوال من جنبها وناظرته/ ههههههه رهوومااا
ريناد / هااااااااي
ريهام / هااااااااااياااااااااااات اخبااارك ؟
ريناد ( اخبااري !! زفت والله ) / كويسه .. انتي اخبارك ؟
ريهام / طفشاااانه والله ...
ريناد / ليه .. ماعاش من يطفشك وانااا موجودهـ ...
ريهام / يااقلبي والله مافي حد بالدنيا فاهمني غيرك .. ويلوموني فيك
ريناد / ههههههههههههه جد مجنونه ..
ريهام / مجنونة مجنونتين هذا الشي راجع لي .
ريناد / ههههههههههههه اووكيه ..
ريهام بجديه / رنووده العصر بروح المستشفى وش راييك امرك علشان نطلع سواا
ريناد / هااا .. لااا والله مالي خلق اطلع .. روحي وطمنيني عليك ..
ريهام / خلااص اول ماطلع من المستشفى راح اجي لعندك .. وربي مشتاقه لك ..
ريناد / اوووووووووكيه حيااك ..
ريهام / اووكيه قلبي ... باااااااي

ريناد بعد ماتركت الجوال بجنبها لقت ندى سرحاانه بعاااالم ثااني

(البارحـة جيـت أفتكـر شـي ٍ تناسيـتـه .. و أحــن
و أدري بيذبحني الحنين إن طاوع القلب و حكى
مثـل الغريـب اللـي لـيـا جــا يـذكـر ديــاره يـجـن
لـو مـا تذكّرهـا يـذوب .. و لـو تذكّـرهـا بـكـى !!)
ريناد بصوت عالي / ندوووووو
ندى ارتاااعت / وعماااااااااااا
ريناد / ههههههههه ويين رحتي ؟؟
ندى بجديه / بنتظر منه الووو .. وابشوف وش راح يحكي ..
ريناد / اهااا .. بس ندوو لا تخربي اللي بينك وبينه علشان وحده ماتستااهل ..
ندى هزت راسها بأيه ../ اووكيه ..
ندى / الااا تعااالي وانتي وش جديدك مع المسيو نااصر
ريناد / ههههههههه مالت عليك ..
ندى / لااا جد ماقال راح يجي ولا راح يطلعك اليوم ؟
ريناد / لاااا ماحكيت معه اليوم .. ومو طايقه اشووفه ..
ندى / رنوود .. حنني قلبك عليه صدقيني راح تحبيه مثل ماهو يحبك
ريناد شهقت / لاااا مستحيل .. مشاعري وقلبي مو له .. مو ملك لأي حد ..
ندى / الله يهديك بس ..
ريناد / ويهديك بعد ..
ندى وريناد / ههههههههههههه

:::::::::::::::::::::::::::

راكان بغرفته و اللاب توب .. بحظنه ..
( وينهااا وش فيها مادخلت ؟؟ هي قالت راح تخش الظهر !! يااارب حكت معه وفهمته على كل شي .. )

:::::::::::::::::

فتحت الماسنجر لقت راكان موجود ..
ريناد ( ويينك انت عني .. محتااااااااجه لك والله )
راكان اول مالقاها دخلت نط قلبه .. وعلى طول كتب لهاا
( Rakan ) / هلااااااا والله
( بنوته كيوت ) / اهليين راكان .. اخبارك ؟
( Rakan ) / قلبي انشغل عليك .. هااا وش صار معك ؟؟
( بنوته كيوت ) / راكان ممكن طلب ..
<<< ريناد / محتااجه لك والله ..
( Rakan ) / آآآمري تدللي ..
( بنوت كيوت ) / امممممممم ابغا احكي معك جوال .. مو عارفه احكي هنااا وش صار ..
<<< ريناد / يالله اكيد راح يقول عني جريئه .. بس والله حاسه اني ابغا اتكلم معه ..
<<< راكان فتح عيونه للآخر / بس هذا اللي تبين .؟ ولااا يهمك ياارووحي ..
طبعا هو يبغااها من الله .. انبسط عالآخر ..
( Rakan ) / طيب ................050
<<< ريناد اخذت جوالها بسرعه وسجلت الرقم ..
( Rakan ) / ريناد ممكن سؤال ؟؟
( بنوته كيوت ) / ايواا اسأل
( Rakan ) / اول ماعرفتي اني انا راكان .. وش جا على بالك ؟؟
<<< ريناد ابتسمت ... وكتبت ..
( بنوته كيوت ) / اممم تذكرت انك انت ياللي نقلت دمك لي ..واللي صار يجري بعروقي .. هاللحين ..
<<< راكان ( وحتى لو تبين قلبي اعطيك .. وراح اكون مقصر بعد .. انتي ماتدرين هاللحين وشو بالنسبة لي ..
مستعد اعطيك لو تطلب عيوني
ماملك اغلى من نظر عيني سواك
ياعديل الرووح ماخابت ظنووني
غيمة الاحزان انحتها سماك
وانتهى عهد تلاشت به شجووني
وطلت الافراح في لحظة لقاك
مايجدد لوعتي واقسى حزووني
غير عمر ضااع ماعشته معاك )
( Rakan ) / اهااا طيب دقي .. انتظرك ..
<<< ريناد ترددت تدق ولا لااا ..
( بنوته كيوت ) / اممم مو هاللحين ..
( Rakan ) / ليه ؟؟
<<< راكان / بلييز دقي مشتااق لك .. مشتاق اسمع دفاا صوتك ..
<<< ريناد / وش اسووي ادق ولا لاا ؟؟
اخذت الجوال بسرعه وارسلت له مسج ..
راكان اول ماسمع جواله فز والتفتت بسرعه وناظره .. وفتحه على طول
لقى هالمسج ..
اهليين ..
ماادري وش اقول لك بالظبط ..
محتاجه احكي معك .. انتظر اتصالك ..
اختك / ريناد
<<< راكان / اختك .. ههههههههه اووكيه مو مشكله
دق على نفس الرقم ..
ريناد شهقت / يؤؤؤ وش اسووي ..
ريناد وهي مرتبكه / الووو
راكان ( فديت هالصوت وراعيته والله ) وبنبرة حنيه / اهليين ...
ريناد بسرعه / اسمح لي .. مااعرفت احكي بالماسنجر .. وربي خــ
راكان قاطعها بأبتسامه / لااا لاا عاادي .. اعتبري اني انا اللي اخذت رقمك ودقييت طييب ..
ريناد حست براحه / اووكيه ..
راكان / طيب وش صار معك ؟؟
ريناد بنبرة حزن / خلااص مااظن تقدر تساعدني
راكان شهق وبخوف / ليه ؟؟ يعني بتاخذيه ؟؟
ريناد فهمته وش صار بالظبط ...
راكان يهديهااا / اسمعي .. لا تبكين .. ( تقطعي قلبي والله ) مااراح يااخذك .. وراح تشوفي ..
ريناد وهي تبكي / لااا خلااص هو حجز كل حاجه وراح يسفرني معه ..الشهر الجاي .. خلااص ماني قادرة استحمل ..
راكان بجديه / ريناد ..
ريناد وقلبها ينبض بقووه اول ماسمعت اسمها منه / نعم ..
راكان يهديها اكثر مع انه مو مقتنع من اللي يقوله / اكيد هو راح يفكر بكلامك وحكيك وضميره راح يأنبه وان شاء الله راح يتركك .. لا تخاافي ..
ريناد بعد ماهدت وحست بكلامه انها ارتاحت / تعبتك معي ..والله
راكان / لااا والله بالعكس ... تعبك رااحه ..
ريناد بأبتسامه / تسلم .. ( الراحه ماعرفتها الا معك .. )
راكان / .......... ( احبك .. احبك .. ياليت تحسي فيني ..)
ريناد /..............( ابغاك تدري وش قيمتك عندي ؟ )
مرت لحظة صمت من بينهم ..
راكان / ويينك ..
ريناد بسرعه / امم معك ..
راكان بأبتسامه / اووكيه .. انا اخليك ترتاحي هاللحين طيب ..
ريناد / اووكيه ...باااي
راكان بسرعه / رينااد
ريناد ( لاتناديني بأسمي مااستحمل ..!! ) وقلبها ينبض بقوه / ايواا
راكان ( احبك ) / ..... اممم انتبهي لنفسك
ريناد / اووووكيه ..

::::::::::::::::

::::::::::::::::

وبالمستشفى ..
الممرضه تنادي بأسم ريهام ..
ريهام وقفت / ايواا انا ريهام ..
ودخلت معهااا غرفة الدكتور ..
اول مادخلت الدكتور ابتسم ..
ريهام ابتسمت من داخل الغطا اللي بوجهها ..وجلست عالكرسي .
الدكتور / هااا اخبارك ريهام ..
ريهام / كويسه .. اليوم احسن بكيير
الدكتور / ماااشاء الله وااضح من صوتك ..
ريهام / اييش ؟؟
الدكتور / هههه ايووه قبل يومين صوتك كان راايح فيهاا
ريهام / هههههههه ايوااا
الدكتور بجرأة / طيب ممكن عالسرير ..
ريهام / هااا .. لااازم ؟؟
الدكتور / اطمن عليك بس ..
ريهام / داام كذاا اووكيه ..
ووقفت وراحت اتكت عالسرير
الدكتور قرب منها وحط السماعات على قلبهااا / خذي نفس
ريهام بعد مااخذت نفس / هااا خلااص
الدكتور وهو يناظر عيونها ومستمتع وهو يسمع نبضات قلبهاا / لساا انتظري ثوااني ..
اخذ يدها وحط ابهامه مكان النبض ..
ريهام / اخلص .. انت تسمع نبضات قلبي ولا تسمع اغنيه ؟؟
الدكتور / ههههههههههههه اسكتي .. خليني اركز بشغلي
ريهام عدلت جلستها وشالت السماعه من داخل / لااا خلاااص ابنزل مايحتااج ..
الدكتور / طيب ..افتحي الغطااا عن وجهك ابكشف على حلقك ؟؟
ريهام شالت الغطا متأففه / اووكيه شوف شغلك ..
الدكتور ( ياحلاااتك يالعربجيه ) بعد ماكشف عليها / لااا كويسه ماشاء الله
انتبه بقصتها البوي وبشعرها الحرير ..( والله حلوووه .. دخلت مزااجي بقووه )
ريهام وهي تلف الشيله على راسها / قلت لك اني كويسه ... يعني ماجبت شي جديد ..
الدكتور بعد ماجلس على مكتبه /.. هههههههههههه
ريهام بعد مانزلت وجلست عالكرسي / ليه تضحك ؟؟
الدكتور / ولاااا شي ..
ريهام / اقدر اطلع ؟؟ تراك طفشتني .. والله مافيني شي يعني لازم كل هذااا ؟؟
الدكتور وهو يكتب / لااا
ريهام / وش تكتب ؟؟ ليه ؟؟ بتعطيني دوااا ؟ لا تتعب تراني مااخذت الدوا اللي عطيتني ايااه ..
الدكتور رفع راسه وناظرها / ليه مااخذتيه ؟؟
ريهام / كذااا كيفي ...
الدكتور يستلطفها / اكيد حنان امك وابوك مغنينك عن الدوااا صح ؟
ريهام بنبرة حزن / لااا مالهم دخل .. اصلا هم مو موجودين .. اممم اقصد مسافرين ..
الدكتور بجديه / اهاا من اللي جابك هناا ؟؟
ريهام / من يعني السواق .. ليه بعد هذا فيه دخل بالطب هههههههه
الدكتور مات ضحك / ههههههههههههههه جد انك رجه
ريهام / اخلص وش تبي هاللحين ابطلع تأخرت ..
الدكتور / وين رايحه ؟؟
ريهام / لاااااااا وش راييك بعد نطلع سواا
الدكتورببرود وهو يناظر عيون ريهام الواسعه / عااادي ماايمنع ..
ريهام بجديه / مااعندك مرضى ؟؟
الدكتور ناظر الفايلات اللي قدامه / لااا انتي آخر مريضه ..
ريهام / اهاااا اجل ابجلس على ماتجي لك مريضه ولا مريض
الدكتور / ههههههه واللي تأخرتي عليه ؟؟
ريهام / لاا عاادي ابروح بالليل .. ليه مضايقتك .امشي .
الدكتور / لاااا بالعكس خذي راحتك
ريهام بجديه / اممم ممكن اسولف معك دكتور ..
الدكتور / ايووه بس بلاااش هالرسمياات ..
ريهام / اووكيه خاالد ماعندي مشكله ..
خالد ( يااقلبي مانسيتي اسمي !! ) / خالد احلى .. طيب ممكن سؤال ريهام ؟
ريهام / اسأل ..
خالد / انتي مرتبطه ؟؟
ريهام ضحكت بقووه / هههههههههههههههه << وبنرة تعجب / انا لااااا
خالد / وليه مستغربه ؟؟
ريهام / لااا بس كذااا

ريهام حست انها مرتاحه معه .. وحكت له عن نفسها اكثر
ونفس الشي خالد ارتاح لهااا اكثر .. وحس انها هي الوحيده اللي يقدر يحكي معها بدون حساسيات ورسميات .. او حتى مجاملات ..

:::::::::::::::::::::::::

الساعة 6 ونص مسااء
عماد ( آآآآآهـ ياندى اهوون عليك .. تتركيني علشان ماضي ول وانتهى !!
ندى وربي مااحبيت غيرك .. انتي ملكتي قلبي .. آآسف ساامحيني بس ارجعي لي ..)
اخذ الجوال بسرعه ودق عليها بدون مايتردد ابد
ندى جالسة بغرفتهااا وتفكر بعماد ... الا يدق جوالهااا ..
نطت بسرعه واخذته ( عماااد .. )
ندى بسرعه / الوو
عماد بلهفه / يااهلاااا والله
ندى تتظاهر بالبرود / ايواا
عماد بنبرة رجااا / ساامحيني .. ماخبرتك عني اكثر من البدايه .. آسف من كل قلبي ..
ندى ( انا اللي آسفه غلطت عليك ) و بنفس النبره / طييب ..
عماد بسرعه / سامحتيني ؟؟
ندى بأبتسامه / ايه ..
عماد طاار من الفرح / جد .. ياابعد قلبي وربي عاارف ان قلبك كبير ...
ندى / ايووه بس ..
عماد / شنوو ؟؟
ندى بجديه / عماااد
عماد بلهفه / يااقلب عمااد انتي ..
ندى / ممكن اعرف كل حاجه عنك . .. وبخوص هالعلاقه انت وداانووه
عماد / اووكيه راح احكي لك كل حاجه عنها بالظبط بس مو هاللحين
ندى / هااا متى ؟؟
عماد / راح نطلع اجهزي ربع ساعة وانا عندك ..طيب
ندى بحماس / اووكيه ..


:::::::::::::::::::::::

:::::::::::::::::::::::

لميس وهشام .. بالصاله ..

لميس بدلع / هشااام
هشام / يالبيه .. هالصووت
لميس / اممم مو قلت راح نروح البحرين الأربعاا
هشام حط يده على راسه / ايووه ليه ماذكرتيني ..!!
لميس وهي تاظره / يلااااا نروح هاللحين ..
هشام / اووكيه هاللحين مو مشكله .. علشان عيونك الحلوة بس ..
لميس حمرت خدودها ووقفت / اووكيه يلااا ابروح اجهز نفسي ..
هشام / اووكيه جاي معك
لميس دخلت الغرفه .. / اممم ناخذ لنا شنطه صغيره ولاا
هشام / امم لااا خذي كبيره شويه .. راح نظل اسبووع
لميس انبسطت / جد .. ياااااااااااي وناااسه ..
هشام / هههههههههه وش راييك يومين البحرين والباقي دبي
لميس / ايووه والله احسن ..
هشام / اووووووكيه .. انا رايح استفسر كيف نحجز لناا بالنت ..
لميس / ويين راح تنزل ؟
هشام / ايووه بشوف راكان هو اخبر بهالأشيااا
لميس / اووكيه .. انا راح اجهز كل حااجه .. مو تكنسل .
هشام قرب منها قبل لا يطلع وباسها على خدهاا / لااا يااقلبي ماراح اكنسل
لميس بأبتسامه تدووخ / يااقلبي انت ..

:::::::::::::::::::::::::::::

والمستشفى ..

دخلت السستر ..
خالد / هااا في مريض ؟؟
السستر وهي تعطيه الملف / يس دوكتر ..
خالد ناظر ريهام بأبتسامه /..
ريهام / اووكيه فهمت ابطلع لا تطردني مايحتااج
خالد / ههههههه لااا حشااا
ريهام وقفت ومدت يدهاا / يلااا بااي
خالد مد يده بيد ريهام وشد عليها اكثر / مع السلاااااامه ..
وقبل لاتمشي ..
خالد / ريهااااااااام
ريهام التفتت / نعم ؟؟
خالد مد كرت لهاا / هذا كرتي وفيه رقمي .. خليه عندك طيب ..
ريهام / هههههههههه ياحلاتك وانت ترقم
خالد بجديه / يعني بترديني ..
ريهام بسرعه اخذته من يده / لااا اكيد اباخذه .. وابكلمك بعد ..
خالد / اووكيه انتظرك بأي وقت
ريهام بعد ماتغطت بالنقاب / يلااا باي
خالد وهو يناظر عيونها بلهفه / باااااااااي

:::::::::::::::::

رنيم وشوق وام عصام بالصاله عالتلفزيون ..
الا يدخل عليهم هشام
هشام / السلااام عليكم ..
الكل / وعليكم السلااااام
هشام بعد ماجلس / ابروح البحرين ودبي اسبووع ..
رنيم / جد ؟؟
ام هشام / زيين ماتسوي .. تغيروا جوو قبل لا يبتدي دوامك ..
شوق بأبتسامه عريضه / مااقلت هشام .. طلع اسمي ابدرس هنا بالرياض ..
هشام / لاااااا جد مبرووووووووك تستاهلي كل خير ياابله هههههههه
شوق / هههههههههههه ياكبرها بفمك ..
رنيم / عااد حسافه بنعمل حفله ولموو مو هنااا ..
ام هشام / لااا راح نأجلها ليمن ترجعوا بالسلامه
هشام / لاااا لاتتعطلوا علشاناااا
شوق / ماراح نعملها الا ليمن تجي احسن ..
رنيم / ايواا وعلشان لميس .. تكون معنااا
هشام / على كيفكم .. اهم شي ماتزعل ابلتنااا ههههههه
شوق / هههههههههههههههه

::::::::::::::::::::::::::

ريهام وصلت بيت ريناد ..
ريناد / هااااااااااااااي
ريهام / هاااااااااايااااااات اخبااارك ؟
ريناد / ماااشي الحال ادخلي ..
صعدتها فوق بالصاله ..
ندى / هلاااااااا رهوومااا
ريهام / هلااا فيك اخباارك ؟
ندى بلهجة مصريه / كويسه اوووي هههههههه
ريهام تقلدها / هههههههه دووم اوي اوي ..
ريناد / ههههههههههه
ندى / عن اذنكم انا طااالعه طيب ..
ريهام وريناد / اووكيه
ريهام / ههههههههه رايحه للعاشق الولهان ؟؟
ندى وهي تلبس الشيله / ايووه بااااااااااي
وطلعت ...
ريناد / هااا وش صار معك .. ومع الدكتوور هههههه
ريهام حكت لها كل حااجه ..
ريناد / طلعتي مو هينه اشوووف .. عذبتي الرجال بعربجتك
ريهام / ماالت عليك ..
ريناد / وانتي من جدك اخذتي الكرت ؟؟
ريهام / ايه .. عااااااادي ..
ريناد / جد هبله ..
ريهام / وش فيك .. ترااهـ مؤدب والله ..
ريناد / هههههههههه ياحلاتك ..
ريهام تناظر ريناد وبنظرة اعجاب / انتي الحلووه والله ..
ريناد رمت على ريهام مخده / استحي عاااد .. عقلي ....
ريهام / مااقلت شي .. هذا الصدق ..هههههه
ريناد بجديه / رهووم بتحااكيه عالجوال ؟؟
ريهام / اممم والله افكر ..
ريناد / ارتحي له ؟؟
ريهام / ايه مررره ..
ريناد ( وانااا بعد ارتحت لراكان مررره )
ريهام / هيــــــه .. وينك ؟؟
التفتت ريناد بسرعه / ايوااا معك ...
ريهام / اخبار رنووم ولموو
ريناد / والله ماحكيت معهم اليوم .. ابد
ريهام / غريبه ولا اناا ماكلموني ..
ريناد اخذت الجوال / لحظة خليني ادق على رنووم
بعد لحظات ..
ريناد / هلااااااااا
رنيم / هلااا والله رنوود اخبارك ؟؟
ريناد / كويسه .. اقوول ترى رهوم عندي حيااك تعاالي ..
رنيم تحمست / جد ؟؟
ريناد حطته عالسبيكر / اسمعي
ريهام / هلااااااااااا وغلاااااااااا
رنيم / هلااااااااااااا والله ..
ريهام / تعاالي عندي لك سواليف عسل ههههههههههه
رنيم / يؤؤ حرام عليك تحمسيني .. خلااص ابشوف اخبر ماما ..
ريناد / ايووه وخبري لموو تجي معك ..
رنيم / لااا لموو بتسافر البحرين ودبي اسبووووع
ريناد وريهام / جد
ريهام / الدبه ولا تخبرناااا خلااص نستنااا
رنيم / لااا والله .. حتى حنا درينا هاللحين ..
ريناد / متى راح تروح ؟؟
رنيم / اممم 7 الصباح بالمطار
ريهام / ايه خلااص تعاالي معهااا شووي بس
ريناد / خلااص انا بدق عليهااا وابشوف
رنيم / اوووكيه ..

بعد ماسكرت من عند رنيم حكت مع لميس واتفقت معها تجي قبل لا تسافر
وبعدها دقت على ندى علشان ماتتأخر وتلحق تشوف لميس ورنيم ..
وبعد نصف ساعه تجمعوا كلهم وانبسطوا كالعااااده ..

::::::::::::::::::

وبعد مرور عدة اياام

لميس وهشام مبسووطين عالآخر .. رجعوا من السفر .. وهشام بدا يدااوم ..
وندى وعماد اكيد متصالحين وكل شي صار بينهم عسل في عسل وكل يوم تشوفه ياتطلع معه ياهو يجيها للبيت ..
ريناد / كل مامشى يوم تخااف اكثر .. ويقرب موعد زواجهاا اكثر
متخووفه كثير ومابيدها شي حتى ابوها حكت معه بس مافيه فايده .. خلاص طاح الراس بالفاس .. ومافيها تصلح أي شي .. وحتى راكان مايقدر يعمل لها أي شي .. تتواصل معه بالمسجات والنت ومو كثير ولا هو على طول ..وبو وليد ماعاد تحكي معه مثل قبل .. ولا حتى تطلع معه
كرهته وكرهت اسلوبه ..
رنيم / متواصله مع صحباتها اول بأول وماتتركهم ابد ... بس قبل لا تنام تبكي وتدعو لفيصل بالرحمه
ريهام / اهلها وصلوا وبعد يومين ابوها سافر.. وكل ماطفشت تحكي مع خالد .. وتحس انها مرتاحه لما تحاكيه .. تحكي له عن كل شي عنها وعن اهلها وصحباتهاا ...
خلود وعبدالله / مرتااااحين .. وكل شي اوووكيه .. =) ..
شوق / تنتظر عصام يتقدم لهااا علشان تكمل فرحتهااا
راكان / يلوم نفسه احياناا .. ليه ماخطب ريناد من اول ماعرفهاا .. وليه وليه وليه .. ويحس بالضعف اكثر لما يحكي مع ريناد .. بالنت .. يحبهاا ومو عارف يوصل حبه لهااا ..
دانه / ماتركت خرابيطها السهر والسكر بس اكيد بالنهار لما يكون حسام ماهو فيه ..
حسام / يفكر باللي صار بالظبط يوم جت ريناد بيتهم .. ومو عارف ايش السبب للخناق والهواش اللي صار بينها وبين دانه بالظبط ..!!
خالد او الدكتوور / مبسووط ومرتاح مع ريهاام .. ويفكر يطلع معهااا
ويغيرمن اسلوبها وحركاتها الصبيانيه .. لأنه يشوفها من داخل انثى بكل ماتحمله الكلمه من معنى

::::::::::::::::::::::::

وبيوم 17 / 7 .. يوم زواج ريناااد ..
الصباح ..
ريناد طبعا صار لها يومين لا تنام ولا تاكل ولا تشرب الا شي بسييط
نفسها مو تقبله أي حااجه ..
ندى / رنوود حراام عليك والله .. قومي معي افطري ..
ريناد ببرود / ماابي مالي نفس .. اتركيني لوحدي ..
ندى طلعت متأففه كالعاده / برااحتك ..
اول ماطلعت ندى من عندهاا
ريناد انسدحت عالسرير تحاول تناام مو عاارفه ..تبغا تنام وتصحا تلاقي كل اللي صار لها احلاااااااام وكوااابيس ..

:::::::::::::::::::

العصر كلهم تجمعوا عند ريناد ويقنعوها تروح المشغل وتتزين ..
ريناد / قلت لكم لا يعني لااا وحتى الفستان ياللي اخترتوه لي ماراح البسه
ندى / مو بكيفك .. لا حفله ولا فستان بعد ؟؟
ريهام / رنووده حنااا معك لا تخاافي .. كلنا بنروح سواا
ريناد / ماابغااا لا تجبروني انتم بعد
رنيم / حبيبي خلااص بكيفك ..
لميس / لاااا مو بكيفها .. << وبجديه / ريناد لا انتي اول وحده ولا آخر وحدة تتزوج بهالطريقه .. البسي وتزييني وخلك قوويه لاتضعفي قدامه
ندى / ايووه ياريناد مثل ماحكت لميس
رنيم / ان شافك اليوم على هالحاله اكيد راح يعصب وانتي ماتعرفيه اذا
عصب وش راح يقدر يسووي ..
ريناد تسمع حكيهم ومو مقتنعه ابد .. وبعناد / مالكم دخل .. ماابغا البس ولا اتزيين .. ومثل ماقلتوا حفله مافيه يعني ماحد راح يشوفني ..
ريهام بحنيه مسكت يد ريناد / خلااص اتركوهاا على كيفها ..
ندى / والله ماحد مقوي راسهااا الا انتي ..
ريهام / يعني شنوو نجبرهاا كفايه اللي صار لهاا افهموا عااد
ريناد نزلت دموعها بقهر ولمت ريهام اللي بجنبهاا وهي تبكي
ريهام وهي تحرك شعرهااا / خلااص رنوودااا لا تبكين وربي
دموعك غاااليه ...
ندى ولميس طلعوا برى ..
رنيم جلست جنب ريناد من الجهة الثانيه / رينااد خلااص بكيفك .. لاتزعلي مني ..
ريناد بعدت عن ريهام وعيونها حمررا من البكي / انا مو زعلانه من حد
انا زعلانة على نفسي .. ليه مااخذت قراري بيدي ليه حد يتحكم فيني
وكأني لعبه بين ايديهم ليه ؟؟
ريهام / خلاا انسي اللي صاار .. بس لاتبكيين ..
ريناد بعصبيه وقهر / كيف انسى واليوم زواجي .. علموني كيف
رنيم وريهام يناظروا بعض وموعارفين ايش يقولوا لهااا ..

::::::::::::::::::

راكان بهاليوم حابس على نفسه الغرفه ومحتاااس مرره
خاطرها يحكي مع ريناد ويشوف ايش صاار معهااا ..
( يعني خلااص ريناد بتتزوج ..؟؟ خلااص بترووح مع حد غيري ؟؟ لاا
لاااااااا شاللي يصير لي ولك يارينااد ؟؟ !! مااقول الا الله يسااعدك على ماابتلااك )

:::::::::::::::::::

ندى ولميس بالصاله ..
ندى / المشكله تعااند ؟؟
لميس بجديه / بصراحه من حقهاا .. يعني حتى لو انا ولا انتي بمكانها
راح يصير لنا نفس ماصار لهااا ويمكن اكثر بعد زين هي ماسوت
بنفسها شي .. علشان ماتشوف هاليوم ..
ندى / معك حق والله ..
الا تطلع ريهام ورنيم من الغرفه
ندى التفتت عليهم / هااا قنعتوها تروح المشغل ؟؟
رنيم وريهام يهزوا راسهم بيأس بلااا
رنيم بعد ماجلست جنبهم / مقطعة قلبي والله ..
ريهام / اتركووهااا لحد يحكي معها بخصوص هالموضوع ..
وبالليل يصير خير ..
لميس / يااقلبي عليهااا ماتهنت بفرحتها بقبولها بجامعة الطب ..
ندى بصوت وااطي / مااقول الا الله ياخذ بو وليد
الا تدخل عليهم خلوود وام عبدالله
خلود / وش فيكم ؟؟ جالسين بعزااا
ندى / رنوود ماهي راضيه تروح المشغل وابشرك حتى الفستان ماراح تلبسه
ام عبدالله / جد ؟؟ وش فيهاا ؟؟
خلود / انا رايحه احكي معهاا
وقفت ريهام وبرجاا / لاا خلود بلييز خليها هاللحين حنا حكينا معها
وعصبت وتركناها ترتاح شوويه يمكن ترووق ..
ام عبدالله / الله يهديها ان شاء الله ..
خلود تهمس لندى / هي لحد هاللحين ماتبغااه ؟؟
ندى بهمس / ايووه ..
ام عبدالله بعصبيه / طيب حتى حفله ماافيه ؟؟ شنوو هي مو رخيصه عندنااا علشان نعطيها ايااه باارده مبرده !!

:::::::::::::::::::::::::::

ام عصام وعصام بالبيت ..
ام عصام / جد ..
عصام / ايه انا فكرت .. وكذا مرة اشوفها وحسيت انها تناسبني ..
ام عصام وهي مبسوطه / الله يهنييك يسعدك ياارب
عصام / اليوم لشفتيهااا كلميهااا
ام عصام / ابشر من عيووني
عصام / الله يخلي لك عيوونك والله ... تسلميين يالغااليه
ام عصام / ابكلم لميس اكيد راح تنبسط ..
عصام / هههههههه مايحتاج كلمتها اليوم .. ووافقتني بعد
ام عصام / ماشاء الله عليك مرتب كل حااجه ..!!
عصام / لااا بس هي داقة علي وقلت لها بالمره
ام عصام / اهاااااااااااااا
عصام وقف / يلااا انا طالع تامرين على شي ؟
ام عصام / سلااامتك ..

وطلع من البيت وهو مبسووط ..

::::::::::::::::::::::

مرت الساعات والدقائق والثواني بسرعه على رينااد
وكل ماقرب الليل اكثر بان الخوف والربكه بعيونهااا
لميس تدور بدولاب ريناد على فساتين تناسب هالليلة
وندى جهزت لريناد شنطه صغيره وحطت فيها ملابس وحاجات للسفر
رنيم تحوس بالغرفه وكل ماشافت شي مهم عطور او ميك اب حطته بالشنطه اللي عند ندى
وريناد جالسة بطرف الكنبه اللي بالغرفه ومرتبكه مرره
خلود / هااا رنوود ترى الساعه 8 ماتبغي ازيينك واعدلك
ريناد / ...............
ام عبدالله بحنيه / ريناد .. مو زين ياللي تسويه بنفسك .. لا نوم لا اكل لا شرب وهاللحين رافضه تلبسي الفستان وتتعدلي ..
ريهام مقربه من ريناد وماسكه يدها بحنيه
لميس وبيدها فستان ناااعم مرره .. / رنوود وش راييك بهذاا
ريناد مارفعت راسها ابد / ...........
خلود / ايواا هذا ينفع نااعم ..
لميس حطته عالسرير
الا ينادي عبدالله / خلوود .. خلوود
خلود فزت بسرعه وطلعت ..
خلود / هلااا
عبدالله / هااا ماتحسنت الأوضاع ؟؟
خلود / لااا والله رافضه أي شي ..
عبدالله / طيب اطلعوا خلوني معها شوويه ..
خلود / طيب ..
دخلت خلود وخبرتهم ان عبدالله يبغا يدخل يكلم ريناد علشان يطلعواا
طلعوا كلهم بعد مالبسوا عباياتهم ...
عبدالله اول مادخل لقى ريناد جالسة بيأس ووجها اصفر ومرتبكه مرره
عبدالله بعد ماجلس جنبها وبجديه / رينااد
ريناد / ..........
عبدالله / ريناد .. انطقي .. ابااكلمك ممكن ..
ريناد التفتت عليه ببطئ / ايوااا
عبدالله بجديه/ ريناد خلاص مايصير تعاندي .. الليلة زواجك .. ومو زين تنزفي عليه وانتي بهالحاله ..
ريناد بصوت مبحوح / ماابغاااه ليه ماتفهموني ؟؟
عبدالله / وري كلنااا فاهمين عليك ... وانا كم مره ااحكي معه واحكي مع ابوي بس والله مافيه فايده ..
ريناد / طيب واناا وش ذنبي ؟؟
عبدالله / انتي مالك ذنب اكيد .. واللي صار صار .. طلبتك ريناد انسي وعيشي يومك .. وخلك قوويه مثل مافهمتك ..
ريناد / مااااقدر .. حااولت طول هالأيام اضغط على نفسي .. بس مااقدر
عبدالله بنبرة رجا / طلبتك .. وانا اول مره اطلب منك شي لا ترديني ..
ريناد ماتحملت تشوف اخوها الحنون اللي تحبه وترتاح له يترجى فيها كذااا ارتمت بأحظانه وهي تبكي ...
عبدالله / لاا تبكين كفاايه .. <<< وبعدها عنه وكفكف دموعها بحنيه
ريناد بحياا / عبدالله خاايفه ..
عبدالله / حيااتي لا تخاافي ..انتي اقوى من كل شي واقوى من الخوف نفسه .. وان شاء الله ماراح يصير الا كل خير ..
ريناد / ..........
عبدالله بأبتسامه / البسي الفستان اللي اختاروه صحباتك لا تكسري
بخاطرهم ....
ريناد / لاا ماابغا البسه ..
عبدالله / لاااا راح تلبسيه .. وخلود راح تتكفل بتزيينك طيب
ريناد وهي ماهي مقتنعه / اووكيه اللي تشوفه ..
عبدالله / اووكيه قلبي .. ابروح اناديهم هاللحين .. وبلاش تكشيره
ريناد بأبتسامه صفرااا / اووكيه

::::::::::::::::::::::::::

بو وليد لبس وتكشخ عالآخر واللي يشوفه مايقول هذا في الخمسينات
رجع لعشرين سنه ورااا !!!
دق على الفندق ورتب كل حااجه ..
طلع من البيت وهو مبسووط عالآخر وهو يدندن بأغااني شعبيه ..

:::::::::::::::::::::

:::::::::::::::::::::

دخلوا البنات كلهم غرفة ريناد
واللي يزينها واللي يلبسهااا واللي يمشط شعرهااا
رنيم / لااا خليه مفتوح شعرهاا لا ترفعيه ..
لميس / اووكيه .. اصلا مافي وقت ارفعه لهااا هاللحين بنروح الفندق ..
خلود وهي تحط الماسكرااا / فتحي عيوونك رنوود
ندى / رنوود الشنط وكل شي جهزته لك .. ابنزلهم تحت لعبدالله
ريناد / اووكيه ..
ريهام ماتعرف بهالأشيااا جالسة بطرف السرير وبيدها جوالهاا
ومالقت نفسها الا كاتبة هالمسج ...
( تمنيتك عن عيوني على حد النظر
والشوف ..
اغمض و افتح عيوني
واشوفك عندي لحاالك )
الى ( د . خالد )

الكل / واااااااااااااااااااااااو
ريناد صاروا خدودها حمرر
لميس / وربي جناااااااااان تطيري العقل ..
رنيم / وهذا حنا عالسريع زييناك وطلعتي قمر .. مااشااء الله ..
ريناد / ..........
ندى / لا اله الا الله .. الفستااان ترتيييييييب .. والله رهييبه
ريهام قربت منهم / جناااااااااان
خلود / شرايكم بالميك اب اهم شي ..
لميس / نعووووووم يهبل الله ..
خلود / انتي ياللي تهبلي والله
ام عبدالله / يلاااا البسوا تأخرنا الساعة 10 ونص ولسا ماتحركنا
الكل / يلااا
ولبسوا عباياتهم كلهم ونزلوااا

:::::::::::::::::::::::::::::::::::::::::::::::::

وصلوا الفندق ودخلوا قاعة صغيرة مرره ..
شالوا عبايتهم وجلسواا
بو عبدالله قرب من ريناد / رينااد
ريناد بسرعه رفعت راسهاا / نعم
بو عبدالله / ريناد لساتك زعلانه مني ؟؟
ريناد بعد مابلعت ريقهاا / لاا انا مااقدر ازعل منك .. انت بابا ..
بو عبدالله حظنها بحنيه / يابعد قلبي ...
ريناد ضاغطه على نفسها لاتنزل دمووعهااا ..

عبدالله / هااا يبه متى بيجي بو وليد
بو عبدالله / هاللحين .. قرب للفندق
ريناد قلبها ينبض بقووه ...
عبدالله وبو عبدالله طلعوا برى ..
ندى / رنوود ...عارفه انك مهمة حتى عماد بيحظر زواجك ..
ريناد بأبتسامه صفرااا / اهااا
لميس / حتى هشام بيحظر ..
رنيم / وراكان بعد حكى معي وقال انه جاي
ريناد (رااااااااااكان !!
انااادييه ..ونبراتي بدمع الشوق مختنقه
احس انه رحل بعيييد وهو بداخلي بااقي !! )

الا يدق جوال ندى ..
ندى / هلاا ..........اييييييييييش ؟؟ كييف ؟؟؟
:::::::::::::::::::::::::::::::::::::::::::::::
:

لفصل التاسع عشر

:::::::::::::::::::::::




ندى والجوال بأذنها ..
ندى / الوو .... اييييش ؟؟ ... كيييف ؟؟ طيب طيب
ندى بعد اسكرت الجوال .. قربت من امهااا
ندى بهمس / ماماااا
ام عبدالله التفتت عليهاا / هلااا يمه ؟؟ وش فيك ؟؟
ندى بنفس الصوت / مامااا عماد يقول ان بو وليد عمل حادث وهو جاي ..ويقول اطلعوا هاللحين مايحتاج نظل هنا ...
ام عبدالله شهقت / لاااا جد ؟؟
خلود التفتت عليهم / وش فيكم وش اللي صار ؟؟
ريناد بجنبها ريهام ولميس ورنيم .. وهما جالسين حواليهااا ويسولفوا معهاا ..
ريناد انتبهت من حركات ندى وخالتها وخلود وهما يتكلموا بشويش
( وش فيهم ؟؟ اكيد صاير شي مو زين .. )
ريناد وقفت بفستانها الذهبي الناعم واتجهت لندى ووراها لميس ورنيم
وريهام ..
ريناد وهي ترجف بخوف / وش فيكم ؟؟
ام عبدالله وقفت وحظنتها بقووه وبنبرة حزن / زواجك مو الليله .. بو وليد عمل حادث والحين هو بالمستشفى بـ
ريناد شهقت وبخوف / لااااااااااااا ... وش تقولي خااالتي ... حاادث
ريهام ولميس ورنيم / ؟؟؟؟؟؟؟؟؟
لميس تناظر ندى / من اللي قال ؟؟ كيف عرفتواا ؟؟
ندى بهدووء / عماااد حكى معي وخبرني ..
ريناد وجهها إصفّر وعيونها ذبلت واصفرت وحاسه ان الدنيا تدور حواليها .. غمضت عيونهااا وكل ماتبغا تفتح تحس اللي حواليها يدوروا حواليهاااا بسررعه ... حست انها تبغا تشرب مويه .. ريقها جاااااف
مررره ..
وهي بحظن ام عبدالله لقت نفسها مسترخيه والدم اللي بعروقها جمد ومو حاسه بشي ..صوتهم ضعف والصورة تلاشت من قدامها ....
ام عبدالله حست ان ريناد خف ثقل جسمهااا عليهااا وانفاسهااا ودقات قلبها بطيئه مررره وعرقت كثييير ..
ام عبدالله بخوف بعدتها عنها ومسكتها بزنودهااا / رينااااااااااااد
لميس فتحت عيونها للآخر وقربت منها / رنوود وش فيك ..
ريهام بخوف حطت يدها على كتفها وتهز فيها / رينااد قلبي ردي علي
خلود من شافت هالوضع لبست عبايتها وركضت لبرى بدون شعور
ندى ورنيم / ريناااد .. رينااد
رنيم تهز كتفها / رنوود .. بيبي ردي علي ..
ام عبدالله حاطه يدها على قلبها وتتحس نبضها / يمه ردي علي ....
ندى بخوف / خلونا نوديها المستشفى بسرعه .. وين خلود ؟؟
خلود دخلت / يلاااا بسرعه البسوا عبدالله بياخذ ريناد المستشفى
ريهام لبست بسرعه وراحت لعند ريناد منهاره واخذتها من حظنن ام عبدالله ..
وبنبرة خوف / رنوود حبيبتي ردي علي .. انا ريهام ..
ندى ودموعها بعيونها جايبة عباية ريناد تلبسها ..
الا يدخل عبدالله بسرعه ووجها مخطوف وحالته حاله ..
عبدالله / يلااا بسرعه ..
تقدم وحط ايد ريناد على كتفه ومن الجهه الثانيه ندى ماسكتهااا
والكل وراااهم وخاايفين وحتى خطواتهم ثقيييله مررره ...
ام عبدالله بخوف / وش فيه بو وليد ؟؟ شالحادث اللي مسويه ؟
عبدالله بحزن / مو وقته يمه خلينا نوصل ريناد المستشفى بالأول
وبرى عماد وهشام وراكان .. واقفين عند المدخل ..
راكان اول ماطلع عبدالله ومعه ريناد حس ان قلبه يتقطع .. وان جد
ضعيف وماعرف يعمل لها أي شي يوم مااحتاجت له ..
وهو يناظر المنظر ارتبك مرره وانخطف لونه .. ( رينااااااااااد .. )
رنيم قربت من راكان / راكان انا رايحه معهم المستشفى طيب
راكان بنفس الوضعيه / يلااا وانا رايح يلاا تعالي معي ...
ركبوا ريناد سيارة عبدالله ومشوا للمستشفى بأسرع ماعندهم ..
وسيارة راكان وراهم ..
وعماد وهشام ركبوا سياراتهم ومشواا وراهم ..

::::::::::::::::::::::::::::

بالمستشفى
ريناد عالسرير ...
ندى بسرعه / عبدالله اطلب لها الدكتور عامر السوري هو اللي متابع
حالتها المرة اللي فاتت ..
عبدالله وهو يركض / اووكيه
الكل حوالين ريناد ..
وهي منسدحه ومو حاسه بشي ابد ..
راكان واقف برى وحده محتاااس وقف عند الغرفه / رنييم ..
رنيم طلعت ودموعها بوسط عينهااا / نعم ..
راكان بخوف / هاااا وش صار ؟؟
الا يتقدم الدكتور وعبدالله بسرعه ودخلوا الغرفه
رنيم وهي تبكي / مااتحس بشي ..
راكان ( آآآآآآآآهـ لا تقطعي قلبي .. مااستحمل اشوفها كذا وانا واقف برى
ولا بيدي اسوي لها أي شي .. )
طلعوا كلهم ومابقى الا عبدالله والدكتور
الدكتور بعد ماعيين حالتهاا وبلهجة شاميه / شو بهااا ؟ منهاارة كتيير ؟؟ محتاجه لدم وبسرعه ..
عبدالله بخوف / دم ؟؟ اووكيه .. خذ كل دمي اذا تبي ..
الدكتور / يلااا تعااا نعمل لك فحص بسرعه ..
الدكتور كلم الممرضه تحط لها مغذي على ماينقلوا لها دم ..
بعد ماطلعوا من الغرفه ..
الكل / هااا وش صار ...
ريهام بنبرة رجاا ودموعها على خدها / نقدر نشوفهاااا
الدكتور / لااا ماحدا يدخل هلأ .. خلوها عم ترتاح شويه ..
عبدالله / يلااا دكتور بسرعه ..
خلود تناظر عبدالله / وين
عبدالله وهو يمشي / محتاجه دم
راكان شهق / دم ؟؟ !!!
لميس / يااقلبي يارنود ماتستاهلي كل اللي صار لك
ام عبدالله / حاس قلبي ان هالزواج ماراح يتم ..
ندى ( والله كل هذا من حنتنااا عليه ... استغفر الله .. )
ريهام وهي تبكي / بليييز ابغا اشوفهااا .. خلوني ادخل لهاا
رنيم وندى ماسكينها ..
ندى / رهوووماا اهدي
رنيم / ماراح تدخلي وانتي بهالحاله .. اهدي .. ريناد مافيها الا الخير
ان شاء الله

هشام وعماد جالسين على احد الكراسي ..
عماد / والله ماتستاهل كل هذااا
هشام / هذا حال الدنيااا الله يعينهااا
عماد / الا وين عمي بو عبدالله
هشام / اكيد راح يشوف بو وليد
عماد / وحنا نظل هنا جالسين .. يلاا قوم نروح نشوفه
هشام / يلااا
عماد التفت على راكان / رااكااان
راكان جالس وحاط راسها على ركبه ..
رفع راسها ببطئ / نعم
عماد / يلااا خلينا نزور بو وليد ونشوف عمي اهو هناك بلحاله
راكان / لااا روحو انتوا انا ماني قادر اشيل رجولي ..
هشام / وش فيك ؟؟
راكان / هاا .. مافيني شي .. ابجلس شوي وجاي لكم روحوا انتم ..
عماد وهشام مشوااا
الا يجي عبدالله بيأس / آآآآآآآف فصيلة دمي ماتتناسب مع فصيلة دمهااا
ام عبدالله / خلااص كلنا نحلل ويشوفوا من اللي يصلح
الدكتور / يلاااا عجلوااا مافي وأت .. خلونا نلحأ عالبنت ..
رنيم تدخلت بسرعه / راكان اخوي دمه يتناسب مع دمهااا
الكل / أيه صح ..
ندى / يلاااا روحي ناديه بسررعه
عبدالله / هو اللي آخر مره نقل دم لها ؟؟
الكل / ايه
رنيم وهي تركض / راكان ... راكان
راكان رفع راسه بسرعه وجهه مخطوف لقى الكل متجمع / هااا وش صار ؟
رنيم / بسرعه قووم راح ينقلوا دمك لهااا بسررعه
راكان فز بسرعه / ويين .. اقصد كيف ..؟
عبدالله تقدم عنده / يلااا راكان طلبتك
راكان بسرعه / ماطلبت لو تبون قلبي اعطيهااا ..
ركض بسرعه ودخل غرفة سحب الدم ..

:::::::::::::::::::::

:::::::::::::::::::::

من جهه ثانية بالمستشفى
قسم العمليات ..
بو عبدالله جالس على احد الكراسي وحالته بالمره سيئه
عماد / هونهااا وتهووون وان شاء الله يطلع بالسلامه
هشام / الله يشاافيه يارب
بو عبدالله / خلااص بيروح مافي امل ..وانا اللي برمل بنتي من صغرها .
عماد / لااا لاتقول هالكلام ياعمي .. ادعي له ان شاء الله يقوم بالسلامه
بو عبدالله بيأس / الحادث ماكان سهل .. ماشفتوا السيارة كيف متدمره ..
ويتنهد ( آآآآآآه انا ماهمني الا هالبنت اللي هناك .. والله مو قادر احط
عيني بعيون الموجودين حواليهاااا .. انا المذنب في هالشي .. لو اني بايع جزء من املاكي كان ماصار اللي صار .. لا اخذته ولا ابتلت فيه ياارب سامحني .. والله اول مايقوم بالسلامه راح اعطيه اللي يبغااا الا بنتي ماراح افرط فيها ثانيه .. سامحيني ياريناد كنت قاسي معك وانا حاس انك شايله علي بقلبك كثييييييير..)
الا يطلع الدكتور من غرف العمليات
ووجهه مايبشر بخير ..
الكل وقف وتقدموا له بسرعه
بو عبدالله / هااا
الدكتور يهز راسه بيأس / عملنااا اللازم .. وحالته جداا صعبه ..
راح يظل بالعناية المركزة .. هو في حالة غيبوبة واحتمال معه شلل نصفي ....
الكل شهق .. / لااا
عماد حاط يده على فمه وحده متأثر
هشام يهز راسه بيأس
بو عبدالله خلااص اظلمت الدنيا بوجهه ..

::::::::::::::::::::

صعدوها لقسم التنويم ..بدلوا لهاا فستانهااا ولبسوها لبس المستشفى ..
ونقلوا الدم .. دم راكان يجري هاللحين بعروقها من جديد ..
.. لكنها لحد هاللحين ماتحس بشي ..
منسدحه وجهها اصفر وحوالين عيونها هالات سودا من التعب والسهر
وقلة التغذيه .. وجسمهااا حاااار حراراتها مرتفعة مرره .. وريقها جااف
باين من شفايفها الجافه ..
ريهام اول مادخلت عليهااا قربت منها وهمست بأذنها / رنوود قلبي ردي علي .. انا ريهام .. تسمعيني .. احبك ..والله ..
ندى ولميس ورنيم جالسين جنب بعض ..
وام عبدالله وخلود سواا
خلود بخوف / يعني لمتى هي كذااا ؟؟ متى راح تصحى ..
لميس ودموعها بوسط عينها / الدكتور يقول حالتها متدهورة
ندى وهي تتنهد / آآآه ياريناد .. كأنها حاسه ان راح يصير شي
لا لبست الفستان الأبيض ولا حتى راحت تزينت .. ولا شي ..
رنيم وهي تبكي / بعد قلبي .. عروس وليلتهم هي وزوجها بالمستشفى
ريهام بعصبيه / بس .. كفااااااااايه .. تراها تحس .. ارحموها شووي
ندى / وش فيك معصبة .. مثل مانتي خايفه عليها حنا خايفين عليها
لميس / من حر مافي قلبنااا حنا نتكلم ونحكي ..
ام عبدالله بصوت واطي / خلاااص وبعدين معكم اسكتوا حنا
بالمستشفى ..
الا يضرب الباب عبدالله ويدخل ..
ام عبدالله / هااا الدكتور ماقال لك شي ؟؟
عبدالله / لاا .. خلاص يلااا نمشي مالها داعي جلستنا
الدكتور يقول لازم نخليها ترتاح ..
وبكرا الصباح نمرهااا وان شاء الله تكون احسن ..
ندى / لااا انا راح ابقى هنا معهااا
عبدالله / لاا لا حد يبقى .. ماراح تصحى هاللحين خلوها ترتاح بكرا راح نمرها الصباح .. وان شاء الله تتحسن ..
ريهام / لااا انا راح ابقى هنااا ماعندي حد بالبيت لمين اروح ؟؟
لميس التفتت على ريهام / رهومه اتركي ريناد ترتاح وبكرا راح نزورها كلناا ..
ندى / ريهام ... قومي معنا البيت .. ماراح نخليك تنامي لوحدك ببيتكم ..
ام عبدالله / يلاااا عبدالله ينتظرنا برى ..
بعد ماطلعوا كلهم .. برى الغرفه ..
رنيم راحت عند راكان / يلااا راكان ...
راكان ببرود / مااصحت ؟
رنيم هزت راسها بيأس / لااا
راكان بجديه / رنيم ابغا اشوفهااا
رنيم !! / تشوفهااا ؟؟ لاا وش راح يقولواا اهلهاا ..
راكان بحزن / رنيم بو وليد بين الحيا والموت
رنيم شهقت / لااا ..
راكان فتح ازرة ثوبه / احس اني مخنووق .. رنيم تكفين ابغا اشوفهاا
رنيم / انتظر عالأقل يطلعوا كلهم برى المستشفى ..
راكان بعد مابلع ريقه / طيب ..

::::::::::::::::::

::::::::::::::::::

طلعوا كلهم وركبوا السيارة ..
وبالسيارهــــــــ ..
ام عبدالله / عبدالله وين ابوك ؟؟
عبدالله بحزن / مشى للبيت .. وصله عماد وهشام ..
ندى / عبدالله كيف صار الحادث ؟؟ وكيفه هاللحين ؟؟
عبدالله بنفس النبرة / آآآهـ ادعول له .. هو بين الحيا والموت .. الحادث
كان مرره صعب .. والسيارة احترقت فيه ..
الكل شهق / .........
ريهام / ياقلبي على رنود لاحد يحكي معها بكراااا ..
ندى / اكييد .. ان درت بتروح فيهااا .. كفايه اللي جااهااا
لميس حاطه راسها على كتف ندى / احس ان ظلوعي وعظامي متكسره
ندى / وانااا بعد .. الا رنيم راحت مع راكان ؟
ريهام / ايه .. راحت معه ..
لميس / معليش راح اتعبكم وصلوني بيتنااا .. طيب

::::::::::::::::::::



راكان اول ماطلعوااا على طول توجه للغرفه اللي موجوده فيها ريناد ..
ركان يناظر رنيم / راح ادخل وانتي انتظريني هناااا
واول مادخل .. دخل بخطوات بطيئه مرتبكه ..
رفع راسه وناظر السرير ليمن تلاقت عيونه على ريناد
راكان فتح عيونه للآخر وتقدم بسرعه ... ونبضات قلبه تدق بقووه
وبسرررعه ..


لقاها مصفرره .. وبشرتها اللي كانت نااعمه كأنها بنعومتها بشرة طفلة وهاللحين جاافه مرررة وحتى شفاتها زرقا وجافه ... بيدها ابرة المغذي .. ومنظرها يقطع القلب ... وحالها يرثى لها ..
راكان قرب منهااا ودموعه بعيونه منحبسه .. وضاااايق صدره مرره ..
نزل وثنى ركبه بالأرض واتكأ وهو مقرب من السرير ووجهه باتجاه
وجهها مد يده ببطئ ومسح على شعرهاااا و يتحسس خصل شعرها
النااعمه .. / ريناد .. حاسة فيني .. انا راكان .. ريناد اعذريني
ماوقفت معك مثل مانتي تبي .. اعترف لك اني كنت ضعيف ..
وربي كل يوم افكر فيك وماهان علي اشوفك تترجي فيني ..بس ياقلبي
مافي بيدي شي .. اخذت سلفه علشان تعطيه الفلوس ويتنازل عنك ..
بس رفض .. وعاند اكثر .. انااا مااقدرت ابعدك عنه .. انا ضعيف
وغبي وعااجز ماقدرت اساعدك وانتي بأمس الحاجه لي ..
نزلت دمعه منه بحراااره ..
( نص حزن الكون مرسوم ٍ ابعيني
ونصه الثاني غدى بالقلب ذايب
والدموع اللي تعانق وجنتيني
ماهي إلا جمرتين ٍ من لهايب .. )



قرب ايده ومسك ايدهااا وشبكها بين اصابعه وضمها بحنااان
وبصوت حنون / قلبي مااراح اتركك .. انا من دونك ولا شي ..
ماراح اتخلى عنك ابد .. << وتنهد بقووه / احبك .. احبك
وهو يناظرهااا / ريناد .. تسمعيني ! ؟ احبك .. ايه احبك .. تسمعيني
انتي معي ؟؟ حااسه فيني .... ؟؟
وبنفس الوضعية قرب فمه من اذنهااا وبهمس / احبك .. حاسه فيني ؟؟
بعد وجهه منها بيأس ..
الا تدخل رنيم الغرفه .. ولقت راكان ماسك ايدها وجالس متكئ على ركبه .. ودمعة بوسط خده .. !!
رنيم قربت منه ببطء / راكان ..
راكان كفكف دموعه بسرعه .. والتفت عليها وهو بنفس الوضعيه / نعم ..
رنيم / خلينااا نمشي ماما قلبها مشغول علينا .. تبغا تكلمك .. وجوالك مقفل ..
راكان بنبرة حزن وألم / مو حاسه بشي !!
رنيم / بليييز لا تقطع قلبي .. خلينا نمشي ونزورها بكراا .. اكيد راح
تحس وتصحاا ..
رنيم سحبت ذراعه وفلتت ايد ريناد عنه .. / كفاايه .. خليها ترتاح ..
ومشت وطلعت ..
راكان عدل جلسته ووقف ببطئ وقبل لا يمشي .. طبع قبلة على خد ريناد
بحناان .. وبصوت قريب للهمس / احبك ..

:::::::::::::::::::::::

الساعة 3 الا ربع الفجر ..
دخلت لميس سويتهاا وحيلهااا منهد بالمرره ..
شلحت عبايتهااا ودخلت الغرفه ...
هشام استقبلهااا / رجعتي ؟؟
لميس هزت راسها بأيه ..
هشام نزل من السرير و
مسكها من يدها بقوه / وينك لهالحين ؟؟
لميس وهي تناظره مستغربه / ويين ؟؟ بالمستشفى ..
هشام / وجوالك ليه مقفل ؟؟ وليه ماحكيتي معي بالمستشفى لما شفتيني ؟
وليه مارجعتي معي البيت ؟؟
لميس بخوف / كان قلبي مشغول على ريناد .. بعدها انت طلعت وماعطيتني خبر ..
هشام / كيف اعطيك خبر وانتي مقفله جوالك .. وحظرتك داخل الغرفه
كيف اخبرك يعني ؟؟ وبكرا ماتروحي الا بأذني وماترجعي الا بأذني ..
لميس نزلوا دموعها بسرعه / طيب ليه انت معصب كذاا ؟؟
هشام / ماني معصب يعني تشوفيهااا عدله ترجعي هنا مع واحد غريب ؟
لميس بنفس النبرة / طيب معي اهله كلهم عبدالله ماكان لوحده .. علشان تقول كذاا ..!! وثانيا كنت مضطره اروح معهم .. وانت طلعت .. يعني مع من راح اجي ؟؟
هشام / والله انك تغثي الواحد بحركاتك ... تقفلي جوالك ليه ؟؟
لميس بعصبيه / مافيه شحن .. << وطلعتهاا من الشنطه اللي بجنبهاا /
شووف تأكدت ؟؟
هشام تأكد .. وتطمن ..
ناظر بعيونهااا ولقى فيهم تعب وارهاق وغير غير كذااا معصبه .. ماتحمل يشوفها كذااا لمهااا بقوه بحظنه ..
هشام بهدوء / خلااص لميس حقك علي ..
لميس وهي معصبه تحاول تبعد عنه وهي تبكي / ابعد عني .. انت ماتقدر ابد .. وماتحس فيني ...
هشام بعدها و مسكها بزنودها / اناا مااحس فيك ؟؟ بالعكس انا كان قلبي
مشغول عليك .. تأخرتي مارجعتي الا هاللحين .. وانا هنا صار لي ساعة ..
لميس وهي ترجف بين يدينه وتبكي / رنوود ليلة زواجها تنام بالمستشفى
!! والله حرااااام ..
هشام لمهاا بحنان .. ومسح على شعرهااا النااعم / كفاايه لميس .. ربي
يشفيهااا ويشفي زوجهااا .. ويطلعوا بالسلامه .. لموو لا تضايقي نفسك
لا تبكيين .. << وهو يكفكف دموعها / دموعك غاليه .. مثل مانتي غالية
بقلبي ..
لميس بنبرة حزن / نفسيتي تعباانه .. وحاسه اني مخنوقه ..
هشام / بسم الله عليك ..
سحبها وجلسها بطرف السرير .. وراح المطبخ يجيب لها كاسة مويه ..
لميس ( آآآهـ ياريناد ليه يصير لك كل هذاا .. ليه ؟؟ ماادري وش راح
نقول لك بكراا .. بو وليد بين الحيا والموت ؟؟ ولا ايش ؟؟ )

::::::::::::::::::::::::::

ندى دخلت الغرفه ومعها ريهاام ..
ندى / كفاايه ريهام وربي تعوري قلبي ..
ريهام وهي تبكي بهدوء / تتوقعي صحت هاللحين ؟؟ هاللحين تحس ؟
ندى تهديهااا لأنها جد تبكي من قلب / ان شاء الله .. والصباح لرحنا لها
اكيد راح نلاقيها صاحيه ..
ريهام / يااقلبي عليهااا نفسيتها كانت مره زقت .. لا نوم ولا اكل ولا
شرب كويس وكان جسمها مرره اصفر .. ولما سمعت هالخبر
اكيد مااستحملت ..
ندى حابسه دموعهااا / عارفه ريهام .. لأنا كنا ظالمين معهااا
انجبرت على شي ماتبغااه .. وهالشي ربي مايرضااه الزواج عمره
ماجااا بالغصب وبهالطريقه هذي ...
ريهام / ايووه .. وحنااا ماقصرناا دوم ندعي عليه .. خاصة بالفترة
الأخيرة .. استغفر الله ياربي ..
ندى / استغفر الله .. يلااا رهوماا خلينااا نصلي .. الساعة 4 ونص
هاللحين ..

:::::::::::::::::::::::::::::

:::::::::::::::::::::::::::::

راكان منسدح على السرير وقلبه مع ريناد وصورتها مافارقت خياله ولا
لحظة .. ضايق خلقه عليهاااا .. وخاطره يكون بجنبهاااا ويسمع انفاسها
خاطره اول ماتصحى تصحااا وهو جنبهااا .. يبغاها تحس فيه .. تحس
بقلبه اللي ماينبض الا بأسمهاا .. تحس بوجوده وبقربه ..
نزل من السرير بسرعه وطلع برى الغرفه ..

::::::::::::::::::

لميس بعد مابدلت ملابسهااا .. انسدحت واتكأت على المخده وهي مرره
مرهقه ..
هشام قرب منها / لموو نامي ارتاحي .. الساعة 5 وانتي لحد هاللحين
مانمتي ...
لميس / آآآهـ حاسة ان جسمي متكسر .. مو عارفه انام ..
هشام / ناامي لا تخافي راح اصحيك الساعة 8 ونص علشان تشوفيهاا
لميس بأبتسامه صفرااا / جد ؟ راح توصلني المستشفى ؟؟
هشام بأبتسامه عريضه / ايه ..
لميس مدت يدها للدعااء / يااارب تكون صااحيه .. وتحس فينااا .. يارب

::::::::::::::::::::

راكان وصل المستشفى ..
صعد للدور الثاني ..
قسم التويم ..
غرفة 153
ريناد فارس الفارس ..
(طبعا لان المستشفى خااص معظم وقت الزيارة يكون مفتوح
بأي وقت ..)

فتح الباب بشويش ودخل ..
لقاها بنفس وضعيتهاا .. كل شي على مااهو .. ماتحركت ..
ولا التفتت .. اللي تحرك الوحيد ماء المغذي المعلق جنبها وصل لثلثه ..
راكان قرب منهاا وحاس ان قلبه وروحه وعقله مو معه هاللحين ...
قرب الكرسي من السرير وجلس .. جلس وهو يناظرهاا ..ويراقب شهيقها وزفيرهااا بكل اهتماااام ...
يتحسس كل شي قدامه .. وجهها وشعرها اللي مرمي عالمخده بجنبهااا وعيونهاا المغمضه ورموشها الطويله المسترخية .. وانفهاا الدقيق .. وفمهاا الصغير .. وخدودهااا اللي تعود يشوفها متوردة هاللحين مصفرة وشاحبه ..
مسك يدهاا اللي يحس انها محتاجه لحد يوقف معهاا .. ويواسيهاا
مسكها بحنااان .. بعد ماباسهاا بباطن كفهااا / امووت فيك .. ياليت اللي
فيك فيني ..

::::::::::::::::::::::

الساعة 8 ونص ..صباحاا

رنيم بعد ماصحت تروشت ولبست راحت غرفة راكان ماشافته سكرت
الباب ونزلت تحت ..

ام هشام وابو هشام وشوق جالسين يفطرواا ..
رنيم يهدوء / صباح الخير
الكل / صباح النور
بو هشام / رنووماا غريبة صاحية بدري
رنيم بنبرة حزن / ماعرفت انام والله ..
ام هشام / يصحى راكان هاللحين ويوصلنا نزورها معك ..
بو هشام / الله يصبرهم .. الحادث كان خطر مرره .. مااقول الا
الله يشفيه ويرحمه من الغيبوبه ..
الكل / يااارب
رنيم / يعني راكان مو هناا ؟؟ تراه مو بغرفته ..
ام هشام / وين راح ؟ يمكن بالحمام ..
رنيم / اهاا يمكن ..
بو هشام / يلاا انا رايح الشركة تامرون على شي ..
الكل / سلااامتك ....
بعد ماطلع ..
ام هشام تناظر رنيم / كلي طيب ..
رنيم / والله مالي نفس بالمررره
شوق بحياا / رنووما يقول لك خبر ان شاء الله يفرحك
رنيم من دون اهتمام / شنوو
ام هشام / ههههههههههه
شوق حمرت خدودها / خالتي خطبتني لعصام !!
شوق بابتساامه من قلب / جد ؟؟
شوق هزت راسها بابتسامه / ايييووه
رنيم تتسائل / متى ؟؟ وكيف ؟؟
ام هشام / حكت معي خالتك وخطبتهااا والأسبوع الجاي .. رااح يتقدموا لها رسمي ..
رنيم شافت بعيون شوق الفرح والبهجة .. وكل شي حلو وزيين .. مادرت
ان عصام لهالدرجه كان يهمهااا وتتمناه يكون لهااا ..
رنيم ( احسن ماعملت لميس لما سألتني عن رايي بعصام .. ولا كان
هاللحين هما اللي متقدمين لي .. الحمد لله .. عمري ماشفت شوق
مبسوطه لهالدرجه ... ربي يهنيييك ويسعدك يااشوق .. )
رنيم قربت من شوق ولمتهااا / الف مبرووك يااقلبي ..
شوق بأبتسامه / الله يبارك فيك .. عقبااالك ..
رنيم شهقت / لااا .. خلي الزواج لك ههههههه
وجلست جنب امهااا ..
ام هشام رفعت يدهاا للسما / ان شاء الله يجي نصيبك ونفرح فيك بعد .. قولوا آمين ..
شوق / آآآميييييين
رنيم / .......... ( آآآهـ .. نصيبي رااح .. ايووه رااح ... فيصل رااح ..
ماعاد شي يهمني غيره .. وينك يافيصل .. رحت وتركتني
احترق بين الشوق واللهفه .. مااقول الا الله يرحمك .. ويجمعني فيك
بجناته .. )
شوق / رنووم .. وين رحتي ؟؟
رنيم التفتت بسرعه ... / هاا .. معك ...<< ناظرت الساعة اللي بيدها / تأخر راكان مانزل .. !!
ام هشام / طيب دقي عليه .. يمكن نام ثانيه ..
رنيم اخذت جوالها بسرعه ودقت ..

::::::::::::::

::::::::::::::



راكان بالمستشفى ..
وبالغرفة ..
وبنفس الوضعية اللي كان عليهااا .. وهدووء عالآخر
كسر الهدوء والصمت .. نغمة الجوال ..
راكان ارتااع مررره .. لأن كان منزل راسه متكأعلى السرير
رفع راسه بسرعه .. واخذ الجوال من جيبه بأيده الثانية ..
راكان ( رنيييم !! ) وبصوت باين عليه التعب / الوو
رنيم / يلااا راكان تأخرناا نبغا نروح المستشفى .. يلاااا انزل بسرعه ..
راكان عدل صوته / احم احم .. انا بالمستشفى .. رنيم لاتخبري حد .. هاللحين جاي .. طيب ..
رنيم / ؟؟ !! جد .. اووكيه ننتظرك .. باي

بعد ماسكر الجوال حطه على جنب ..
وبحنيه شد اكثر على يد ريناد اللي شابكهاا / ريناد .. انا راييح طيب ..
وراجع لك .. ماراح اتخلى عنك ..
وفجأة .. ريناد حست ان الدم يجري بعروقهااا من جديد .. وانها تتنفس
من جديد .. وحست بجسمها قد ايش مسترخي وتعباااان ..
وهي مغمضه عيونهاا اخذت نفس عميييق .. كأنها تبغا تتأكد اذا هي حية
ولا ميتة ..
راكان حس فيهااا وصار قلبه ينبض بقووه ... وهو ماسك ايدهاا حرك اصابعه .. وكأن يبغاهاا تحس فيه .. تحس بنبضه .. وحرارة كفه ..
ريناد وهي مستلقيه تذكرت آخر كلمه سمعتهاا .. ( حاادث ... بو ليد عمل حااادث ... )
( خايفه تفتح وتلقى شي يصدمهاا .. خايفه تفتح
وتلاقي نفسها مو بالبيت .. بالمستشفى او بالفندق .. او أي شي غير
سريرهاا اللي تعرف ريحته .. )
تنفست بقووه .. وزادت دقات قلبهااا .. حست ان في حد ماسكهاا بقووه
وبدون ماتفتح عيونهااا حركت يدهاا ببطئ وتحسست اليد اللي ماسكهاا
راكان من حركت يدهااا تبدلت ملامح وجهه .. شد عليهاا اكثر بس بحنيه
ريناد بللت شفاتها وحاسه انها مرره عطشانه وريقهااا كان مرره جااف
راكان حس فيهاا وبعد عنها شوي علشان يروح يجيب لها مويه .. اللي
موجوده بالطاولة جنبهاا ... وقبل لا يسحب ايده ... ريناد رفضت
تتركهاا .. مسكتهااا اكثر ..
ريناد بصوت مبحوح وهي مغمضه / مييين ؟
راكان اقشعر جسمه .. وبصوت حنون / ر .. راكان
ريناد (راااااااااكان ) تركت يده بسرعه والتفتت وصدت عنه
( ليه ؟؟ ليه ياراكااان ؟؟ انت تخليت عني وقت مااحتجت لك ... )
راكان حس انهااا زعلانه منه .. وضااق صدره اكثر .. بعد عنها
وراح سكب لها مويه بالكاس .. وقرب من عندهااا
وبنبرة حنية .. / ريناد .. ادري انك عطشانة .. اشربي .. خذي المويه
ريناد وهي لساا صاده عنه ومغمضه وتحاول تستوعب اللي صار بالظبط
تحسه حلم ... ماهو حقيقه .. بس اهي هاللحين وين ماتدري ؟ وماتدري اذا
راكان جنبها ولا هي تحلم ؟ .. رافضه تفتح عيونهااا وتلاقي حقيقة مرره .. او حلم قااسي .. الدنيا بالنسبه لهااا خانتهااا وظلمتهااا .. ماتبغى تنصدم اكثر
ولا تنظلم اكثر ...



راكان مسح على شعرهااا بهدووء وهو بنفس الوقت مرتبك مرره
ريناد اقشعر جسمهاا وارتبكت وهي تتنفس بسررعه .. وهي صااده للجهة
الثانية / ابعد عني ... اتركني لوحدي .. ماابغا منك شي ... اكرهك ..
اتركني ..
راكان هالكلام حس انه سم .. وحس ان قلبه يدمي .. رفع ايده من شعرهااا
وبنبرة رجاا / ريناد طيب اشربي .. لا تخاافي اناا طالع هاللحين ..
ريناد فتحت عيونهاا ببطئ تتأكد وين هي فيه .. فتحت وغمضت بسرعه
( انااا وين !! ) فتحت ثانية والرؤيااا كانت موشوشه عندهااا
لحظات الا توضح الرؤيااا .. لقت قدامها حامل المغذي .. وهوموصل
بيدهااا .. ( انا بالمستشفى ؟ ) حاولت تبلع ريقهاا .. لكن حست انه جااف
مرره ..
راكان لما حس انهاا فتحت عيونهااا .. تطمن اكثر ...
ريناد بصوت مبحوح / ابغااا مويه ..
راكان بسرعه حط يده تحت راسها ورفعهااا وبأيده الثانيه كاس المويه
راكان بهدووء / خذي ..
ريناد متخوفه تلتفت وماتلاقي حد .. تحس نفسهاا انها تحلم ..
بس حاسه انها تسمع نبضات قلب حواليهاا ... حاسه انهاا تشوف نظرات
حنية .. حاسه ان الأيد اللي ورى رقبتهااا ملفوفه عليهاا بحنية وخوف
حست ان اللي قدامهااا تحس فيه .. تحس بأنفاسه .. وتحس بدمه ..
التفتت ببطئ لقت ان في حد جنبهاا من جد .. ماهو حلم ..!!
ناظرته من تحت ليمن وصلت لوجهه وملامحه ..
عقدت حواجبه لمااا لقت راكان هو اللي قدامهاا وبصوت مبحوح / راكان
راكان وبنظرات تلمع / قلبه وعقله وروحه ...
ريناد برجااا وهي تناظر عيونه / ابغا موويه
راكان وهو يناظر عيونهااا وحاس ان قلبه طالع من عيونه .. قرب الكاس المويه من فمهااا وشربهاا بشويش ..
ريناد كانت مره عطشانه .. شربته وحاسه انهاا لساا ماارتوت ..
راكان / اجيب لك ثاني ..
ريناد هزت راسها بلااا .. ( لو اشرب من اليوم لبكرااا مااظن راح
ارتوي ..!! )
راكان بأبتسامه / الحمد لله على سلاامتك ..
ريناد حست انه مقرب منها مرره وبالذات من وجههااا لأن كان جالس عالكرسي وملزق الكرسي قدام السرير...
ريناد صدت عنه للجهه الثانيه بسرعه .. / اطلع .. اتركني ..
راكان بضيقه خلق / ماتبيني ؟؟ اووكيه راح اطلع ..
ريناد حست انهااا ودهاا تبكي .. لكن دموعهاا جاافه محتبسه .. مو حاسه
تقدر تبكي وتنزل حتى ولو دمعه ..
راكان طلع من الغرفة بيأس .. بس بنفس الوقت مبسوط من داخله ..
تطمن عليهااا .. وصحت وهو قدامهااا .. حاس انها حاسه فيه
لكنهااا تكاابر ... طلع برغبة منهااا مايبغا يضايقها اكثر وينرفزها
يكفيهااا اللي شافته .. منه ومن غيره ..
الا يدق جواله ثانية ( رنيم )
راكان شهق / اووه تأخرت عليهاا
عطااهاا مشغول ....
وهو يركض بالممر انتبه ان اهل ريناد جايين .. بسرعه طلع من
المنفذ والمخرج الثاني ...

:::::::::::::::::::::::::

:::::::::::::::::::::::::
بالممر ..
ريهام وهي تركض وبيدها باقة ورد / ياارب تكون صااحيه ياارب
عبدالله يناظر خلود ويضحك ..
خلود / وش فيك ؟؟
عبدالله / ههههه ناظري هاللي قدامك وتعرفين
خلود / هههههههه تقصد ريهام ..!!
عبدالله / ايووه شوفيها كيف تركض .. كأنها ولد
خلود / ههههههه ايووه هذي مررره متعلقة برنوود
ندى مع ام عبدالله سوااا
ندى / ماما بابا ماراح يجي ؟
ام عبدالله / الااا راح يجي ...
وقربوا للغرفه واول وحده دخلت ريهااام
ريناد وهي متكية عالسرير وسرحاااااااانه بعالم ثااني ..
ريهام بسرعه فتحت الباب وهي تركض انبسطت لمن شافت ريناد
صااحيه ..
ريهام / رينااااااااااااد
ريناد التفتت بسرعه ولقت ريهام قريبهه منهاا / ريهااااااااااام
بعدها الكل دخل ..
ندى وام عبدالله وخلود وعبدالله انبسطوا كثير لمن شافوها
صاحية ومتكية عالسرير ...
تغيرت الوااانهم بالحييييييييييل .. البارح كئيبين مرره وهاللحين
حدهم مبسوطين .. والفرح مبين من عيوونهم ..
كلهم قربوا منهاا ..
ريناد وهي تناظرهم كلهم .. وعيونها فيها مية سؤال وسؤال
وهي بحظن ريهام ...
ريهام / خوفتينااا عليك ... اخبارك هاللحين ؟؟
ندى تناظر ريهام / ابعدي خليني اشوفهااا
ريناد / ..........
ندى تعلقت بريناد / اوووه اليوم منوووره .. عكس امس ..
الحمد لله على سلامتك يااالبي ..
ونفس الشي خلود / رنووده اخباارك ياعسل ؟؟
ريناد / ...................
ام عبدالله قربت منها ولمتها بحنان / هلا يمه ريناد
كيفك هاللحين ....
عبدالله قرب منهاا وباسها على خدهااا / الحمد لله على سلااامتك هاااا قلبي اخبارك اليوم ؟؟
ريناد تفكر باللي صار لهاااا .. وباللي سمعته آخر شي ...
وهما واقفين حواليهاااا ...
فجأة تقرب من ريهام وتلمهااا بقووه ..( ريهام كانت اقرب شي منهااا لازقه فيها ) وهي تبكي .. / عمل حاادث .... بو وليد .. ماااااااات .. صح .. ؟؟
الكل / ؟!!!!!!!!!!؟
عبدالله / لاااا ريناد بو وليد هنااا .. بالمستشفى
ريناد بعدت من ريهام / لاااا تكذبوااا علي .. هو مااااااات ... سمعتكم
تقولوااا عمل حاادث ... ندى ردي علي ؟؟
ندى مسكت يدهااا / لاا رنوود مامات .. عمل حادث وهو هنا منووم
بالمستشفى ....
ريناد خاافت ( ماااااااااااامااااااااااات !!! )
الا يدخل الدكتوور وهو مستغرب .. وتغطوااا كلهم ..
الدكتور / صبااح الخير
عبدالله صباح النور
الدكتور / ماشاء الله كلياتكن هوون ... اجيتوا أبل الدوام ..
عبدالله بأبتسامه / ايووه .. جايين بدري ..
الدكتوريناظر ريناد / حمد لله على سلامتك .. ماشاء الله هلأ الوجه منوور ...
الدكتور تقدم وبعدوا عن السرير ..
الدكتوريناظرهم / طيب فيني افحصهااا ..
الكل فهم وطلع .. الا عبدالله ظل واقف بجنبهااا
ريناد كفكفت دموعهااا ..
الدكتور بعد مافحص عليهاا / لا الحمد لله .. اليوم احسن بكتييير
باين انها استجاابت للدم .. والدوااا
عبدالله / الحمد لله ...
ريناد ( دمـــــ !! يعني حتى هالمره نقلوا لي دم !! )
الدكتور يكلم عبدالله وهو يكتب بالورق اللي عنده .. / ياليت
تهتموا بصحتها اكتر والا اذا كل مرة هيك ..رح تحتاج لنأل دم
عبدالله / هي رافضه تاكل من يومين .. حتى نوم يادكتور ماتنام
الدكتور التفت عليهاا / شوو ؟؟ ماعم تااكلي ؟؟ لااا ياريناد لازم تتغزي
كويس من شان ماتتدهور حالتك اكتر اووكيه ..
ريناد تهز راسها بأيه ( انت وش عرفك ليه انااا حارمه نفسي من كل هذاا )

::::::::::::::::::::::::

اتمنـى البـ~ـآآرت يعجبكـــم انشاءلله بكــرى اكملـهـ

اول مرره اقى روايه


انتظري الين ماخلص


بس شكلهاا حلووه عشانك انتي الي مسوويه الموووضوع

احــ ـم احـــم احـــم


اصـلن انــا ما قـد قـريت روآيهـ الـ[ـىآ ذي لانـي كنــ ـت ما احـ~ـب الـ ـروآيـآت بـس ذي اجذبتنـي وانشاءللهـ تعجـبـ{ـك

ايـهـ صـح وقـوليـ ـلـي لمــا تخلـصين عشـآآن اكمـ~ـل

اوكــي مــ ـن عنــ{ـونــي